൨൩൨. അപാദാദോ പദതേ+കവാക്യേതി

അധികാരോ. ഏത്ഥ പാദോ നാമ ഗാഥായ ചതുത്ഥംസോ, തസ്മാ ‘‘തുമ്ഹേഹി പുഞ്ഞം പസുതം അനപ്പകം’’തി ഏത്ഥ വോ ന ഹോതി. ഏത്ഥ പദന്തി വുത്ത സദ്ദോ സഭാവതോ –

ആകാസവായുപ്പഭവോ സരീരാ,

സമുച്ചരം വത്ത+മുപേതി നാദോ;

ഠാനന്തരേ സുപ്പടിഹഞ്ഞമാനോ,

വണ്ണത്ത+മാഗച്ഛതി സോ തു സദ്ദോതി –

വുത്തത്താ ഏകേകോ വണ്ണോ സദ്ദോ നാമ, തബ്ബണ്ണസമൂഹോ പദം, തപ്പദസമൂഹോ വാക്യഞ്ച. തഥാ ഹി –

വിതത്യന്തം പദം തസ്സ, ച യോ വാക്യന്തി മന്വയം;

ഉപചാരാ വണ്ണസദ്ദ-വാച്ചം തം ന പരിച്ചജേ.

തം പദഞ്ച –

പദം ചതുബ്ബിധം വുത്തം, നാമാ+ഖ്യാതോ+പസഗ്ഗജം;

നിപാതജഞ്ച തഞ്ഞൂ ഹി, അസ്സോ ഖല്വാ+ഭിധാവതീതി.

തം വാക്യഞ്ച –

ഏകാഖ്യാതോ പദച്ചയോ, സിയാ വാക്യം സകാരകോതി –

വുത്തം. തസ്മാ ‘‘വിഭത്യന്തം പദം, പദസമൂഹോ വാക്യ’’ന്തി ച വുച്ചതി.