൧൬൭. നജ്ജാ ധയാസ്വാമ

യോസു നദീസദ്ദസ്സ ആമ വാ ഹോതി. സുഞ+നക+ആമ ഇത്യാദി ഞ്ഞകാര+കകാര+മകാരാ ആഗമലിങ്ഗാ. സ ച ‘‘മാനുബന്ധോ സരാന+മന്താ പരോ’’തി മാനുബന്ധത്താ സരാന+മന്താ പരോ ഹോതീതി ഈകാരാ പരോ. ‘‘യവാ സരേ’’തി യേ ദസ്സ ജോ, യസ്സ ച പുബ്ബരൂപം, നജ്ജായോ. വാ പ-ലോപ+യോലോപേസു നജ്ജോ നദീ നദിയോ ഇച്ചാദി.

ഈകാരന്തം.

യാഗു, യാഗൂ യാഗുയോ. ഭോ യാഗു, യാഗൂ യാഗുയോ. യാഗും, യാഗൂ യാഗുയോ. യാഗുയാ, യാഗൂഹി യാഗൂഭി. യാഗുയാ, യാഗൂനം. യാഗുയം യാഗുയാ, യാഗൂസു. ഏവം ധാതു+ധേനു+കാസു+ദദ്ദു+കണ്ഡു+കച്ഛു+രജ്ജു+കരേണു+സസ്സു+പിയങ്ഗു ആദയോ.

ഏത്ഥ ധാതുസദ്ദോ ‘‘മനോധാതുനാ’’തി അഭിധമ്മാവതാരേ വുത്തത്താ പുല്ലിങ്ഗേപി ദിസ്സതി, തം സക്കടമതേന വുത്തന്തി കേചി.

മാതാ, മാതരോ. ഭോ മാത മാതാ, മാതരോ. മാതരം, മാതരേ മാതരോ. മാതരാ, നാസ്സ യാദേസേ ‘‘യേ പസ്സാ’’തി യോഗവിഭാഗാ പലോപോ, അനുഞ്ഞാതോ അഹം മത്യാ, അഞ്ഞത്ര മാതുയാ, മാതരേഹി മാതരേഭി മാതൂഹി മാതൂഭി. സലോപേ മാതു, പസഞ്ഞത്താ ‘നോ’ ന ഹോതി, മത്യാ മാതുയാ, മാതരാനം മാതാനം മാതൂനം. ഛട്ഠിവിസയേ ‘‘മാതുസ്സ സരതീ’’തിപി ദിസ്സതി. മാതരി, മാതരേസു മാതൂസു. വിസേസാ+ഞ്ഞത്ര പിതുസമം. ഏവം ധീതു+ദുഹിതുസദ്ദാ.

ഉകാരന്തം.

രസ്സനിസേധേ സിലോപേ ച കതേ ജമ്ബൂ. ‘‘ജന്ത്വാ’’ദിനാ യോലോപേ, ജമ്ബൂ ജമ്ബുയോ. ‘‘ഗേ വാ’’തി രസ്സേ ഭോ ജമ്ബു, ജമ്ബൂ ജമ്ബുയോ. ജമ്ബും, ജമ്ബൂ ജമ്ബുയോ. ജമ്ബുയാ, ജമ്ബൂഹി ജമ്ബൂഭി. ജമ്ബുയാ, ജമ്ബൂനം. ജമ്ബുയം ജമ്ബുയാ, ജമ്ബൂസു.

ഏവം വധൂ ച സരഭൂ, സരബൂ സുതനൂ ചമൂ;

വാമൂരൂ നാഗനാസുരൂ, സമാനാ ഖലു ജമ്ബുയാ.

ഊകാരന്തം.

ഗോ, ഗാവോ ഗവോ ഇച്ചാദി പുല്ലിങ്ഗസമം.

ഇത്ഥിലിങ്ഗം.

നപുംസക, സി –