൧൫൩. ഹിമവതോ വാ ഓ

ഹിമവതോ സിമ്ഹി ന്തുസ്സ ഓ വാ ഹോതി, ഹിമവന്തോ ഹിമവാ. സേസം പുരിമസമം.

ആയസ്മന്തുസദ്ദോ കമ്മവാചായ ക്വചി ബഹുലാധികാരാ ദ്വിവചനേന ആയസ്മന്താ, തിണ്ണം വചനേന ആയസ്മന്തോതി ദിസ്സതി.

ഏവം സതിമാ ധിതിമാ ഗതിമാ മുതിമാ മതിമാ ജുതിമാ സിരിമാ ഹിരിമാ ഥുതിമാ രതിമാ യതിമാ സുചിമാ കലിമാ ബലിമാ കസിമാ രുചിമാ ബുദ്ധിമാ ചക്ഖുമാ ബന്ധുമാ ഹേതുമാ സേതുമാ കേതുമാ രാഹുമാ ഭാണുമാ ഖാണുമാ വിജ്ജുമാ ഇച്ചാദയോ.

ഉകാരന്തം.

വേസ്സഭൂ സിലോപോ. തേ ച രസ്സാഭാവോവ വിസേസോ. ‘‘ഏകവചനയോസ്വ+ഘോനം’’തി രസ്സേ ‘‘ലാ യോനം വോ പുമേ’’തി വോ, വേസ്സഭുവോ, ‘‘വേവോസു ലുസ്സാ’’തി വുത്തത്താ ന ടാദേസോ, ‘‘ലോപോതി യോലോപേ വേസ്സഭൂ. ‘‘ഗേ വാ’’തി വാ രസ്സേ ഭോ വേസ്സഭു വേസ്സഭൂ, വേസ്സഭുവോ വേസ്സഭൂ. വേസ്സഭും, വേസ്സഭുവോ വേസ്സഭൂ. വേസ്സഭുനാ ഇച്ചാദി ഭിക്ഖുസമം. ഏവം സയമ്ഭൂ പരാഭിഭൂ അഭിഭൂആദയോ. ഗോത്രഭൂ+സഹഭൂസദ്ദേഹി പന യോനം ‘‘ജന്ത്വാദിതോ നോ വാ’’തി നോ, വോ വാ, ഗോത്രഭുനോ ഗോത്രഭുവോ ഗോത്രഭൂ. സഹഭുനോ സഹഭുവോ സഹഭൂ, സേസം വേസ്സഭൂസമം.