൪൫. ദീഘാ

ദീഘരത്തന്ത്യാദോ നാനുസിട്ഠത്താ ലിങ്ഗവിസേസസ്സ കഥം നപുംസകത്തമേവിച്ചാസങ്കിയ ചോദേതി ‘നനുചേ’ച്ചാദി. നായംദോസോച്ചാദിനാ പരിഹരതി. ‘‘ലിങ്ഗം നാനുസാസനീയം ലോകനിസ്സയത്താ ലിങ്ഗസ്സാ’’തീദമാലമ്ബ വദതി ‘ലോകേ’തിആദി. അഥവാതി പക്ഖന്തരോപദസ്സനത്ഥേ നിപാതോ, വിഭജ്ജാതി വിഭജിത്വാ. ക്വചീതി യോഗവിഭാഗേനാതി അധിപ്പായോ.

അഹോരത്തന്തി സമാഹാരേ (ചത്ഥ) സമാസാ നപുംസകത്തം. അതിരത്തോതി പുല്ലിങ്ഗേ പാദിസമാസോ, സമുദായസദ്ദസ്സാപ്യവയവേ വുത്തി സബ്ഭാവതോ ഏകദേസവചനോ പുബ്ബരത്താദോ രത്തിസദ്ദോച്ചാഹ-‘പുബ്ബാ ച സാ രത്തി ചാ’തിആദി. ഏവമേകരത്തന്തി പാഠേന ന ഭവിതബ്ബം… തസ്സ സമാഹാരേന സമാസത്താഭാവാ. നപുംസകലിങ്ഗമ്പന ലോകസന്നിസ്സ യത്താ വിഞ്ഞേയ്യം.

അസമാസന്തപക്ഖേതി സമാസന്തഅപ്പച്ചയസ്സാഭാവപക്ഖേ. പുബ്ബാ അതിക്കന്താ രത്തി പുബ്ബരത്തീ(തി രത്തി സദ്ദോ) നേകദേസവചനോതി സമാസന്താഭാവോ.