൩. സാമഞ്ഞകണ്ഡ

൪. അബ്യയവഗ്ഗ

൧൧൩൬. അബ്യയം വുച്ചതേ ദാനി, ചിരസ്സം തു ചിരം തഥാ;

ചിരേന ചിരരത്തായ, സഹ സദ്ധിം സമം അമാ.

൧൧൩൭. പുനപ്പുനം അഭിണ്ഹഞ്ചാ, സകിം ചാ’ഭിക്ഖണം മുഹും;

വജ്ജനേ തു വിനാ നാനാ, അന്തരേന രിതേ പുഥു.

൧൧൩൮. ബലവം സുട്ഠു ചാ’തീവാ, തിസയേ കിമുത സ്വ’തി;

അഹോ തു കിം കിമൂ’ ദാഹു, വികപ്പേ കിമുതോ’ദ ച.

൧൧൩൯. അവ്ഹാനേ ഭോ അരേ അമ്ഭോ,

ഹമ്ഭോ രേ ജേ’ങ്ഗ ആവുസോ;

ഹേ ഹരേ ഥ കഥം കിംസു, നനു കച്ചി നു കിം സമാ.

൧൧൪൦. അധുനേ’തരഹീ’ദാനി, സമ്പതി അഞ്ഞദത്ഥു തു;

തഗ്ഘേ’ കംസേ സസക്കഞ്ചാ, ദ്ധാ കാമം ജാതു വേ ഹവേ.

൧൧൪൧. യാവതാ താവതാ യാവ, താവ കിത്താവതാ തഥാ;

ഏത്താവതാ ച കീവേ’തി, പരിച്ഛേദത്ഥവാചകാ.

൧൧൪൨. യഥാ തഥാ യഥേവേ’വം, യഥാനാമ യഥാഹി ച;

സേയ്യഥാപ്യേ’വമേവം, വാ, തഥേവ ച യഥാപി ച.

൧൧൪൩. ഏവമ്പി ച സേയ്യഥാപി, നാമ യഥരിവാ’പി ച;

പടിഭാഗത്ഥേ യഥാച, വിയ തഥരിവാ’പി ച.

൧൧൪൪. സം സാമഞ്ച സയം ചാഥ, ആമ സാഹു ലഹൂ’പി ച;

ഓപായികം പതിരൂപം, സാധ്വേ’വം സമ്പടിച്ഛനേ.

൧൧൪൫. യം തം യതോ തതോ യേന,

തേനേ’തി കാരണേ സിയും;

അസാകല്യേ തു ചന ചി, നിപ്ഫലേ തു മുധാ ഭവേ.

൧൧൪൬. കദാചി ജാതു തുല്യാ’ഥ, സബ്ബതോ ച സമന്തതോ;

പരിതോ ച സമന്താപി, അഥ മിച്ഛാ മുസാ ഭവേ.

൧൧൪൭. നിസേധേ ന അനോമാ’ലം, നഹി ചേതു സചേ യദി;

അനുകുല്യേ തു സദ്ധഞ്ച,

നത്തം [രത്തം (ടീ.)] ദോസോ ദിവാ ത്വ’ഹേ.

൧൧൪൮. ഈസം കിഞ്ചി മനം അപ്പേ, സഹസാ തു അതക്കിതേ;

പുരേ ഗ്ഗതോ തു പുരതോ, പേച്ചാ’മുത്രഭവന്തരേ.

൧൧൪൯. അഹോ ഹീ വിമ്ഹയേ തുണ്ഹീ,

തു മോനേ ഥാ’വി പാതു ച;

തങ്ഖണേ സജ്ജു സപദി, ബലക്കാരേ പസയ്ഹ ച.

൧൧൫൦. സുദം ഖോ [വോ (ക.)] അസ്സു യഗ്ഘേ വേ,ഹാ’ദയോ പദപൂരണേ;

അന്തരേന’ന്തരാ അന്തോ, വസ്സം നൂന ച നിച്ഛയേ.

൧൧൫൧. ആനന്ദേ സഞ്ച ദിട്ഠാ ഥ, വിരോധകഥനേ നനു;

കാമപ്പവേദനേ കച്ചി, ഉസൂയോപഗമേ’ത്ഥു ച.

൧൧൫൨. ഏവാ’വധാരണേ ഞേയ്യം, യഥാത്തം തു യഥാതഥം;

നീചം അപ്പേ, മഹത്യു’ച്ചം, അഥ പാതോ പഗേ സമാ.

൧൧൫൩. നിച്ചേ സദാ സനം [സനാ (ക.)] പായോ,

ബാഹുല്യേ ബാഹിരം ബഹി;

ബഹിദ്ധാ ബാഹിരാ ബാഹ്യേ, സീഘേതു സണികം ഭവേ.

൧൧൫൪. അത്ഥം അദസ്സനേ ദുട്ഠു, നിന്ദായം, വന്ദനേ നമോ;

സമ്മാ സുട്ഠു പസംസായം, അഥോ സത്തായ മത്ഥി ച.

൧൧൫൫. സായം സായേ’ജ്ജ അത്രാ’ഹേ,

സുവേ തു സ്വേ അനാഗതേ;

തതോ പരേ പരസുവേ, ഹിയ്യോതു ദിവസേ ഗതേ.

൧൧൫൬. യത്ഥ യത്ര യഹിംചാഥ, തത്ഥ തത്ര തഹിംതഹം;

അഥോ ഉദ്ധഞ്ച ഉപരി, ഹേട്ഠാ തു ച അധോ സമാ.

൧൧൫൭. ചോദനേ ഇങ്ഘ ഹന്ദാ’ഥ, ആരാദൂരാ ച ആരകാ;

പരമ്മുഖാ തു ച രഹോ, സമ്മുഖാ ത്വാ’വി പാതു ച.

൧൧൫൮. സംസയത്ഥമ്ഹി അപ്പേവ, അപ്പേവനാമ നൂ’തി ച;

നിദസ്സനേ ഇതി’ത്ഥഞ്ച, ഏവം, കിച്ഛേ കഥഞ്ചി ച.

൧൧൫൯. ഹാ ഖേദേ സച്ഛി പച്ചക്ഖേ,

ധുവം ഥിരേ’വധാരണേ;

തിരോ തു തിരിയം ചാഥ, കുച്ഛായം ദുട്ഠു കു’ച്ചതേ.

൧൧൬൦. സുവത്ഥി ആസിട്ഠത്ഥമ്ഹി, നിന്ദായം തു ധീ [ധി (ക.)] കഥ്യതേ;

കുഹിഞ്ചനം കുഹിം കുത്ര, കുത്ഥ കത്ഥ കഹം ക്വ ഥ.

൧൧൬൧. ഇഹേ’ധാ’ത്ര തു ഏത്ഥാ’ത്ഥ,

അഥ സബ്ബത്ര സബ്ബധി;

കദാ കുദാചനം ചാഥ, തദാനി ച തദാ സമാ.

൧൧൬൨. ആദികമ്മേ ഭുസത്ഥേ ച, സമ്ഭവോ’തിണ്ണ തിത്തിസു;

നിയോഗി’സ്സരിയ’പ്പീതി, ദാന പൂജാ’ഗ്ഗ, സന്തിസു.

൧൧൬൩. ദസ്സനേ തപ്പരേ സങ്ഗേ, പസംസാ, ഗതി, സുദ്ധിസു;

ഹിംസാ, പകാരന്തോ’ഭാവ, വിയോഗാ’വയവേസു ച;

പോ’പസഗ്ഗോ ദിസായോഗേ, പത്ഥനാ, ധിതിആദിസു.

൧൧൬൪. പരാസദ്ദോ പരിഹാനി, പരാജയ ഗതീസു ച;

ഭുസത്ഥേ പടിലോമത്ഥേ, വിക്കമാ’മസനാദിസു.

൧൧൬൫. നിസ്സേസാ’ഭാവ സന്യാസ, ഭുസത്ഥ മോക്ഖ രാസിസു;

ഗേഹാ’ദേസോ’പമാഹീന, പസാദനിഗ്ഗതാ’ച്ചയേ.

൧൧൬൬. ദസ്സനോ’സാനനിക്ഖന്താ, ധോഭാഗേസ്വ’വധാരണേ;

സാമീപ്യേ ബന്ധനേ ഛേക, ന്തോഭാഗോ’പരതീസു ച.

൧൧൬൭. പാതുഭാവേ വിയോഗേ ച, നിസേധാദോ നി ദിസ്സതി;

അഥോ നീഹരണേ ചേവാ, വരണാദോ ച നീ സിയാ.

൧൧൬൮. ഉദ്ധകമ്മ വിയോഗ ത്ത, ലാഭ തിത്തി സമിദ്ധിസു;

പാതുഭാവ’ച്ചയാഭാവ, പബലത്തേ പകാസനേ;

ദക്ഖ’ഗ്ഗതാസു കഥനേ, സത്തിമോക്ഖാദികേ ഉ ച.

൧൧൬൯. ദു കുച്ഛിതേ’സദത്ഥേസു, വിരൂപത്തേ പ്യ’സോഭനേ;

സിയാ’ഭാവാ’സമിദ്ധീസു, കിച്ഛേ ചാ’നന്ദനാദികേ.

൧൧൭൦. സം സമോധാന സങ്ഖേപ, സമന്തത്ത സമിദ്ധിസു;

സമ്മാ ഭുസ സഹ പ്പത്ഥാ, ഭിമുഖത്ഥേസു സങ്ഗതേ;

വിധാനേ പഭവേ പൂജാ, പുനപ്പുനക്രിയാദിസു.

൧൧൭൧. വിവിധാ’തിസയാ’ഭാവ, ഭുസത്തി’സ്സരിയാ’ച്ചയേ;

വിയോഗേ കലഹേ പാതു, ഭാവേ ഭാസേ ച കുച്ഛനേ.

൧൧൭൨. ദൂരാ’നഭിമുഖത്തേസു, മോഹാ’നവട്ഠിതീസു ച;

പധാന ദക്ഖതാ ഖേദ, സഹത്ഥാദോ വി ദിസ്സതി.

൧൧൭൩. വിയോഗേ ജാനനേ ചാ’ധോ,ഭാഗ നിച്ഛയ [ഭാഗ’നിച്ഛയ (ഭാഗ+അനിച്ഛയ-ടീ)] സുദ്ധിസു;

ഈസദത്ഥേ പരിഭവേ, ദേസ ബ്യാപന ഹാനിസു;

വചോക്രിയായ ഥേയ്യേ ച, ഞാണപ്പത്താദികേ അവ.

൧൧൭൪. പച്ഛാ ഭുസത്ത സാദിസ്യാ, നുപച്ഛിന്നാ’നുവത്തിസു;

ഹീനേ ച തതിയത്ഥാ’ധോ, ഭാഗേസ്വ’നുഗതേ ഹിതേ;

ദേസേ ലക്ഖണ വിച്ഛേ’ത്ഥ, മ്ഭൂത ഭാഗാദികേ അനു.

൧൧൭൫. സമന്തത്ഥേ പരിച്ഛേദേ, പൂജാ’ലിങ്ഗന വജ്ജനേ;

ദോസക്ഖാനേ നിവാസനാ, വഞ്ഞാ’ധാരേസു ഭോജനേ;

സോക ബ്യാപന തത്വേസു, ലക്ഖണാദോ സിയാ പരി.

൧൧൭൬. ആഭിമുഖ്യ വിസിട്ഠു’ദ്ധ, കമ്മസാരുപ്പവുദ്ധിസു;

പൂജാ’ധിക കുലാ’സച്ച, ലക്ഖണാദിമ്ഹി ചാപ്യ’ഭി.

൧൧൭൭. അധികി’സ്സര, പാഠാ’ധി, ട്ഠാന, പാപുണനേസ്വ’ധി;

നിച്ഛയേ ചോപരിത്താ’ധി, ഭവനേ ച വിസേസനേ.

൧൧൭൮. പടിദാനനിസേധേസു, വാമാ’ദാനനിവത്തിസു;

സാദിസേ പടിനിധിമ്ഹി, ആഭിമുഖ്യഗതീസു ച.

൧൧൭൯. പതിബോധേ പതിഗതേ, തഥാ പുനക്രിയായ ച;

സമ്ഭാവനേ പടിച്ചത്ഥേ, പതീതി ലക്ഖണാദികേ;

സു സോഭനേ സുഖേ സമ്മാ, ഭുസ സുട്ഠു സമിദ്ധിസു.

൧൧൮൦. ആഭിമുഖ്യ, സമീപാ’ദി, കമ്മാ’ലിങ്ഗന പത്തിസു;

മരിയാദു’ദ്ധകമ്മി’ച്ഛാ, ബന്ധനാ’ഭിവിധീസു ആ.

൧൧൮൧. നിവാസാ’വ്ഹാന ഗഹണ, കിച്ഛേ’സത്ഥ നിവത്തിസു;

അപ്പസാദാ’സി സരണ, പതിട്ഠാ’വിമ്ഹയാദിസു.

൧൧൮൨. അന്തോഭാവ ഭുസത്താ’തി, സയ പൂജാസ്വ’തിക്കമേ;

ഭൂതഭാവേ പസംസായം, ദള്ഹത്ഥാദോ സിയാ അതി.

൧൧൮൩. സമ്ഭാവനേ ച ഗരഹാ, പേക്ഖാസു ച സമുച്ചയേ;

പഞ്ഹേ സംവരണേ ചേവ, ആസീസത്ഥേ അപീ’രിതം.

൧൧൮൪. നിദ്ദേസേ വജ്ജനേ പൂജാ, പഗതേ വാരണേപി ച;

പദുസ്സനേ ച ഗരഹാ, ചോരികാ’ദോ സിയാ അപ.

൧൧൮൫. സമീപപൂജാ സാദിസ്സ, ദോസക്ഖാനോ’പപത്തിസു;

ഭുസത്തോ’പഗമാ’ധിക്യ, പുബ്ബകമ്മനിവത്തിസു;

ഗയ്ഹാകാരോ’പരിത്തേസു, ഉപേ’ത്യ [ഉപേത്യ=ഉപ+ഇതി]’നസനാ’ദികേ.

൧൧൮൬. ഏവം നിദസ്സനാ’കാരോ, പമാസു സമ്പഹംസനേ;

ഉപദേസേ ച വചന, പടിഗ്ഗാഹേ’വധാരണേ;

ഗരഹായേ’ദമത്ഥേ ച, പരിമാനേ ച പുച്ഛനേ.

൧൧൮൭. സമുച്ചയേ സമാഹാരേ, ന്വാചയേ ചേ’തരീതരേ;

പദപൂരണമത്തേ ച, ചസദ്ദോ അവധാരണേ.

൧൧൮൮. ഇതി ഹേതുപകാരേസു, ആദിമ്ഹി ചാ’വധാരണേ;

നിദസ്സനേ പദത്ഥസ്സ, വിപല്ലാസേ സമാപനേ.

൧൧൮൯. സമുച്ചയേ ചോ’പമായം, സംസയേ പദപൂരണേ;

വവത്ഥിതവിഭാസായം, വാ’വസ്സഗ്ഗേ വികപ്പനേ.

൧൧൯൦. ഭൂസനേ വാരണേ ചാ’ലം, വുച്ചതേ പരിയത്തിയം;

അഥോ’ഥാ’നന്തരാ’രമ്ഭ, പഞ്ഹേസു പദപൂരണേ.

൧൧൯൧. പസംസാഗരഹാസഞ്ഞാ, സീകാരാദോ [സ്വീകാര (ടീ.)] പി നാമ ഥ;

നിച്ഛയേ ചാ’നുമാനസ്മിം, സിയാ നൂന വിതക്കനേ.

൧൧൯൨. പുച്ഛാ’വധാരണാ’നുഞ്ഞാ, സാന്ത്വനാ’ലപനേ [സന്തനാലപനേ (ക.)] നനു;

വതേ’കംസ, ദയാ, ഹാസ, ഖേദാ’ലപന, വിമ്ഹയേ.

൧൧൯൩. വാക്യാരമ്ഭ, വിസാദേസു, ഹന്ദ ഹാസേ’നുകമ്പനേ;

യാവ തു താവ സാകല്യ, മാനാ’വധ്യ’വധാരണേ.

൧൧൯൪. പാചീ, പുര, ങ്ഗതോത്ഥേസു, പുരത്ഥാ പഠമേ പ്യഥ;

പബന്ധേ ച ചിരാതീതേ, നികടാഗാമികേ പുരാ.

൧൧൯൫. നിസേധവാക്യാലങ്കാരാ, വധാരണപസിദ്ധിസു;

ഖല്വാ’സന്നേ തു അഭിതോ-

ഭിമുഖോ’ഭയതോദികേ.

൧൧൯൬. കാമം യദ്യപിസദ്ദത്ഥേ, ഏകംസത്ഥേ ച ദിസ്സതി;

അഥോ പന വിസേസസ്മിം, തഥേവ പദപൂരണേ.

൧൧൯൭. ഹി കാരണേ വിസേസാ’വ, ധാരണേ പദപൂരണേ;

തു ഹേതുവജ്ജേ തത്ഥാ’ഥ, കു പാപേ’സത്ഥ’കുച്ഛനേ.

൧൧൯൮. നു സംസയേ ച പഞ്ഹേ ഥ, നാനാ’ നേകത്ഥ വജ്ജനേ;

കിം തു പുച്ഛാജിഗുച്ഛാസു, കം തു വാരിമ്ഹി മുദ്ധനി.

൧൧൯൯. അമാ സഹസമീപേ ഥ, ഭേദേ അപ്പഠമേ പുന;

കിരാ’നുസ്സവാ’രുചിസു, ഉദാ’പ്യത്ഥേ വികപ്പനേ.

൧൨൦൦. പതീചീ ചരിമേ പച്ഛാ, സാമി ത്വദ്ധേ ജിഗുച്ഛനേ;

പകാസേ സമ്ഭവേ പാതു,