൧൩. രാഗപേയ്യാലം

൧൪൦. ‘‘രാഗസ്സ, ഭിക്ഖവേ, അഭിഞ്ഞായ ഛ ധമ്മാ ഭാവേതബ്ബാ. കതമേ ഛ? ദസ്സനാനുത്തരിയം, സവനാനുത്തരിയം, ലാഭാനുത്തരിയം, സിക്ഖാനുത്തരിയം, പാരിചരിയാനുത്തരിയം, അനുസ്സതാനുത്തരിയം. രാഗസ്സ, ഭിക്ഖവേ, അഭിഞ്ഞായ ഇമേ ഛ ധമ്മാ ഭാവേതബ്ബാ’’തി.

൧൪൧. ‘‘രാഗസ്സ, ഭിക്ഖവേ, അഭിഞ്ഞായ ഛ ധമ്മാ ഭാവേതബ്ബാ. കതമേ ഛ? ബുദ്ധാനുസ്സതി, ധമ്മാനുസ്സതി, സങ്ഘാനുസ്സതി, സീലാനുസ്സതി, ചാഗാനുസ്സതി, ദേവതാനുസ്സതി. രാഗസ്സ, ഭിക്ഖവേ, അഭിഞ്ഞായ ഇമേ ഛ ധമ്മാ ഭാവേതബ്ബാ’’തി.

൧൪൨. ‘‘രാഗസ്സ, ഭിക്ഖവേ, അഭിഞ്ഞായ ഛ ധമ്മാ ഭാവേതബ്ബാ. കതമേ ഛ? അനിച്ചസഞ്ഞാ, അനിച്ചേ ദുക്ഖസഞ്ഞാ, ദുക്ഖേ അനത്തസഞ്ഞാ, പഹാനസഞ്ഞാ, വിരാഗസഞ്ഞാ, നിരോധസഞ്ഞാ. രാഗസ്സ, ഭിക്ഖവേ, അഭിഞ്ഞായ ഇമേ ഛ ധമ്മാ ഭാവേതബ്ബാ’’തി.

൧൪൩-൧൬൯. ‘‘രാഗസ്സ, ഭിക്ഖവേ, പരിഞ്ഞായ…പേ… പരിക്ഖയായ… പഹാനായ… ഖയായ… വയായ… വിരാഗായ… നിരോധായ… ചാഗായ… പടിനിസ്സഗ്ഗായ ഛ ധമ്മാ ഭാവേതബ്ബാ’’.

൧൭൦-൬൪൯. ‘‘ദോസസ്സ…പേ… മോഹസ്സ… കോധസ്സ… ഉപനാഹസ്സ… മക്ഖസ്സ… പളാസസ്സ… ഇസ്സായ… മച്ഛരിയസ്സ… മായായ… സാഠേയ്യസ്സ… ഥമ്ഭസ്സ… സാരമ്ഭസ്സ… മാനസ്സ… അതിമാനസ്സ… മദസ്സ… പമാദസ്സ അഭിഞ്ഞായ…പേ… പരിഞ്ഞായ… പരിക്ഖയായ… പഹനായ… ഖയായ… വയായ… വിരാഗായ… നിരോധായ… ചാഗായ… പടിനിസ്സഗ്ഗായ ഇമേ ഛ ധമ്മാ ഭാവേതബ്ബാ’’തി. ഇദമവോച ഭഗവാ. അത്തമനാ തേ ഭിക്ഖൂ ഭഗവതോ ഭാസിതം അഭിനന്ദുന്തി.

രാഗപേയ്യാലം നിട്ഠിതം.