൩. രാഗപേയ്യാലം

൩൦൩. ‘‘രാഗസ്സ, ഭിക്ഖവേ, അഭിഞ്ഞായ പഞ്ച ധമ്മാ ഭാവേതബ്ബാ. കതമേ പഞ്ച? അസുഭസഞ്ഞാ, മരണസഞ്ഞാ, ആദീനവസഞ്ഞാ, ആഹാരേ പടികൂലസഞ്ഞാ, സബ്ബലോകേ അനഭിരതസഞ്ഞാ [സബ്ബത്ഥപി ഏവമേവ ദിസ്സതി] – രാഗസ്സ, ഭിക്ഖവേ, അഭിഞ്ഞായ ഇമേ പഞ്ച ധമ്മാ ഭാവേതബ്ബാ’’തി.

൩൦൪. ‘‘രാഗസ്സ, ഭിക്ഖവേ, അഭിഞ്ഞായ പഞ്ച ധമ്മാ ഭാവേതബ്ബാ. കതമേ പഞ്ച? അനിച്ചസഞ്ഞാ, അനത്തസഞ്ഞാ, മരണസഞ്ഞാ, ആഹാരേ പടികൂലസഞ്ഞാ, സബ്ബലോകേ അനഭിരതസഞ്ഞാ – രാഗസ്സ, ഭിക്ഖവേ, അഭിഞ്ഞായ ഇമേ പഞ്ച ധമ്മാ ഭാവേതബ്ബാ’’തി.

൩൦൫. ‘‘രാഗസ്സ, ഭിക്ഖവേ, അഭിഞ്ഞായ പഞ്ച ധമ്മാ ഭാവേതബ്ബാ. കതമേ പഞ്ച? അനിച്ചസഞ്ഞാ, അനിച്ചേ ദുക്ഖസഞ്ഞാ, ദുക്ഖേ അനത്തസഞ്ഞാ, പഹാനസഞ്ഞാ, വിരാഗസഞ്ഞാ – രാഗസ്സ, ഭിക്ഖവേ, അഭിഞ്ഞായ ഇമേ പഞ്ച ധമ്മാ ഭാവേതബ്ബാ’’തി.

൩൦൬. ‘‘രാഗസ്സ, ഭിക്ഖവേ, അഭിഞ്ഞായ പഞ്ച ധമ്മാ ഭാവേതബ്ബാ. കതമേ പഞ്ച? സദ്ധിന്ദ്രിയം, വീരിയിന്ദ്രിയം, സതിന്ദ്രിയം, സമാധിന്ദ്രിയം, പഞ്ഞിന്ദ്രിയം – രാഗസ്സ, ഭിക്ഖവേ, അഭിഞ്ഞായ ഇമേ പഞ്ച ധമ്മാ ഭാവേതബ്ബാ’’തി.

൩൦൭. ‘‘രാഗസ്സ, ഭിക്ഖവേ, അഭിഞ്ഞായ പഞ്ച ധമ്മാ ഭാവേതബ്ബാ. കതമേ പഞ്ച? സദ്ധാബലം, വീരിയബലം, സതിബലം, സമാധിബലം, പഞ്ഞാബലം – രാഗസ്സ, ഭിക്ഖവേ, അഭിഞ്ഞായ ഇമേ പഞ്ച ധമ്മാ ഭാവേതബ്ബാ’’തി.

൩൦൮-൧൧൫൧. ‘‘രാഗസ്സ, ഭിക്ഖവേ, പരിഞ്ഞായ… പരിക്ഖയായ… പഹാനായ… ഖയായ… വയായ… വിരാഗായ… നിരോധായ… ചാഗായ… പടിനിസ്സഗ്ഗായ പഞ്ച ധമ്മാ ഭാവേതബ്ബാ. ദോസസ്സ… മോഹസ്സ… കോധസ്സ… ഉപനാഹസ്സ… മക്ഖസ്സ… പളാസസ്സ… ഇസ്സായ… മച്ഛരിയസ്സ… മായായ… സാഠേയ്യസ്സ… ഥമ്ഭസ്സ… സാരമ്ഭസ്സ… മാനസ്സ… അതിമാനസ്സ … മദസ്സ… പമാദസ്സ അഭിഞ്ഞായ… പരിഞ്ഞായ… പരിക്ഖയായ… പഹാനായ… ഖയായ… വയായ… വിരാഗായ… നിരോധായ… ചാഗായ… പടിനിസ്സഗ്ഗായ പഞ്ച ധമ്മാ ഭാവേതബ്ബാ.

‘‘കതമേ പഞ്ച? സദ്ധാബലം, വീരിയബലം, സതിബലം, സമാധിബലം, പഞ്ഞാബലം – പമാദസ്സ, ഭിക്ഖവേ, പടിനിസ്സഗ്ഗായ ഇമേ പഞ്ച ധമ്മാ ഭാവേതബ്ബാ’’തി.

രാഗപേയ്യാലം നിട്ഠിതം.