൧. സമ്മുതിപേയ്യാലം

൧. ഭത്തുദ്ദേസകസുത്തം

൨൭൨. ‘‘പഞ്ചഹി, ഭിക്ഖവേ, ധമ്മേഹി സമന്നാഗതോ ഭത്തുദ്ദേസകോ ന സമ്മന്നിതബ്ബോ [ന സമ്മനിതബ്ബോ (ക.) ചൂളവ. ൩൨൬ പസ്സിതബ്ബം]. കതമേഹി പഞ്ചഹി? ഛന്ദാഗതിം ഗച്ഛതി, ദോസാഗതിം ഗച്ഛതി, മോഹാഗതിം ഗച്ഛതി, ഭയാഗതിം ഗച്ഛതി, ഉദ്ദിട്ഠാനുദ്ദിട്ഠം ന ജാനാതി – ഇമേഹി ഖോ, ഭിക്ഖവേ, പഞ്ചഹി ധമ്മേഹി സമന്നാഗതോ ഭത്തുദ്ദേസകോ ന സമ്മന്നിതബ്ബോ.

‘‘പഞ്ചഹി, ഭിക്ഖവേ, ധമ്മേഹി സമന്നാഗതോ ഭത്തുദ്ദേസകോ സമ്മന്നിതബ്ബോ. കതമേഹി പഞ്ചഹി? ന ഛന്ദാഗതിം ഗച്ഛതി, ന ദോസാഗതിം ഗച്ഛതി, ന മോഹാഗതിം ഗച്ഛതി, ന ഭയാഗതിം ഗച്ഛതി, ഉദ്ദിട്ഠാനുദ്ദിട്ഠം ജാനാതി – ഇമേഹി ഖോ, ഭിക്ഖവേ, പഞ്ചഹി ധമ്മേഹി സമന്നാഗതോ ഭത്തുദ്ദേസകോ സമ്മന്നിതബ്ബോതി.

‘‘പഞ്ചഹി, ഭിക്ഖവേ, ധമ്മേഹി സമന്നാഗതോ ഭത്തുദ്ദേസകോ സമ്മതോ [സമ്മതോപി (സീ.)] ന പേസേതബ്ബോ…പേ… സമ്മതോ പേസേതബ്ബോ… ബാലോ വേദിതബ്ബോ… പണ്ഡിതോ വേദിതബ്ബോ… ഖതം ഉപഹതം അത്താനം പരിഹരതി… അക്ഖതം അനുപഹതം അത്താനം പരിഹരതി… യഥാഭതം നിക്ഖിത്തോ ഏവം നിരയേ… യഥാഭതം നിക്ഖിത്തോ ഏവം സഗ്ഗേ. കതമേഹി പഞ്ചഹി? ന ഛന്ദാഗതിം ഗച്ഛതി, ന ദോസാഗതിം ഗച്ഛതി, ന മോഹാഗതിം ഗച്ഛതി, ന ഭയാഗതിം ഗച്ഛതി, ഉദ്ദിട്ഠാനുദ്ദിട്ഠം ജാനാതി – ഇമേഹി ഖോ, ഭിക്ഖവേ, പഞ്ചഹി ധമ്മേഹി സമന്നാഗതോ ഭത്തുദ്ദേസകോ യഥാഭതം നിക്ഖിത്തോ ഏവം സഗ്ഗേ’’തി. പഠമം.

൨-൧൪. സേനാസനപഞ്ഞാപകസുത്താദിതേരസകം

൨൭൩-൨൮൫. ‘‘പഞ്ചഹി, ഭിക്ഖവേ, ധമ്മേഹി സമന്നാഗതോ സേനാസനപഞ്ഞാപകോ ന സമ്മന്നിതബ്ബോ…പേ… പഞ്ഞത്താപഞ്ഞത്തം ന ജാനാതി…പേ… സേനാസനപഞ്ഞാപകോ സമ്മന്നിതബ്ബോ…പേ… പഞ്ഞത്താപഞ്ഞത്തം ജാനാതി…പേ….

സേനാസനഗാഹാപകോ ന സമ്മന്നിതബ്ബോ…പേ… ഗഹിതാഗഹിതം [പഞ്ഞത്താപഞ്ഞത്തം (സീ. സ്യാ. കം.)] ന ജാനാതി…പേ… സേനാസനഗാഹാപകോ സമ്മന്നിതബ്ബോ…പേ… ഗഹിതാഗഹിതം [പഞ്ഞത്താപഞ്ഞത്തം (സീ. സ്യാ. കം.)] ജാനാതി…പേ….

ഭണ്ഡാഗാരികോ ന സമ്മന്നിതബ്ബോ…പേ… ഗുത്താഗുത്തം ന ജാനാതി… ഭണ്ഡാഗാരികോ സമ്മന്നിതബ്ബോ…പേ… ഗുത്താഗുത്തം ജാനാതി…പേ….

ചീവരപടിഗ്ഗാഹകോ ന സമ്മന്നിതബ്ബോ…പേ… ഗഹിതാഗഹിതം ന ജാനാതി… ചീവരപടിഗ്ഗാഹകോ സമ്മന്നിതബ്ബോ …പേ… ഗഹിതാഗഹിതം ജാനാതി…പേ….

ചീവരഭാജകോ ന സമ്മന്നിതബ്ബോ…പേ… ഭാജിതാഭാജിതം ന ജാനാതി… ചീവരഭാജകോ സമ്മന്നിതബ്ബോ…പേ… ഭാജിതാഭാജിതം ജാനാതി…പേ….

യാഗുഭാജകോ ന സമ്മന്നിതബ്ബോ…പേ… യാഗുഭാജകോ സമ്മന്നിതബ്ബോ…പേ….

ഫലഭാജകോ ന സമ്മന്നിതബ്ബോ…പേ… ഫലഭാജകോ സമ്മന്നിതബ്ബോ…പേ….

ഖജ്ജകഭാജകോ ന സമ്മന്നിതബ്ബോ…പേ… ഭാജിതാഭാജിതം ന ജാനാതി… ഖജ്ജകഭാജകോ സമ്മന്നിതബ്ബോ…പേ… ഭാജിതാഭാജിതം ജാനാതി…പേ….

അപ്പമത്തകവിസ്സജ്ജകോ ന സമ്മന്നിതബ്ബോ…പേ… വിസ്സജ്ജിതാവിസ്സജ്ജിതം ന ജാനാതി… അപ്പമത്തകവിസ്സജ്ജകോ സമ്മന്നിതബ്ബോ…പേ… വിസ്സജ്ജിതാവിസ്സജ്ജിതം ജാനാതി….

സാടിയഗ്ഗാഹാപകോ ന സമ്മന്നിതബ്ബോ…പേ… ഗഹിതാഗഹിതം ന ജാനാതി … സാടിയഗ്ഗാഹാപകോ സമ്മന്നിതബ്ബോ…പേ… ഗഹിതാഗഹിതം ജാനാതി….

പത്തഗ്ഗാഹാപകോ ന സമ്മന്നിതബ്ബോ…പേ… ഗഹിതാഗഹിതം ന ജാനാതി… പത്തഗ്ഗാഹാപകോ സമ്മന്നിതബ്ബോ…പേ… ഗഹിതാഗഹിതം ജാനാതി….

ആരാമികപേസകോ ന സമ്മന്നിതബ്ബോ…പേ… ആരാമികപേസകോ സമ്മന്നിതബ്ബോ…പേ….

സാമണേരപേസകോ ന സമ്മന്നിതബ്ബോ…പേ… സാമണേരപേസകോ സമ്മന്നിതബ്ബോ…പേ….

സമ്മതോ ന പേസേതബ്ബോ…പേ… സമ്മതോ പേസേതബ്ബോ…പേ….

സാമണേരപേസകോ ബാലോ വേദിതബ്ബോ…പേ… പണ്ഡിതോ വേദിതബ്ബോ… ഖതം ഉപഹതം അത്താനം പരിഹരതി… അക്ഖതം അനുപഹതം അത്താനം പരിഹരതി… യഥാഭതം നിക്ഖിത്തോ ഏവം നിരയേ… യഥാഭതം നിക്ഖിത്തോ ഏവം സഗ്ഗേ. കതമേഹി പഞ്ചഹി? ന ഛന്ദാഗതിം ഗച്ഛതി, ന ദോസാഗതിം ഗച്ഛതി, ന മോഹാഗതിം ഗച്ഛതി, ന ഭയാഗതിം ഗച്ഛതി, പേസിതാപേസിതം ജാനാതി. ഇമേഹി ഖോ, ഭിക്ഖവേ, പഞ്ചഹി ധമ്മേഹി സമന്നാഗതോ സാമണേരപേസകോ യഥാഭതം നിക്ഖിത്തോ ഏവം സഗ്ഗേ’’തി. ചുദ്ദസമം.

സമ്മുതിപേയ്യാലം നിട്ഠിതം.