(൧൮) ൮. രാഗപേയ്യാലം

൧൮൪. ‘‘രാഗസ്സ, ഭിക്ഖവേ, അഭിഞ്ഞായ തയോ ധമ്മാ ഭാവേതബ്ബാ. കതമേ തയോ? സുഞ്ഞതോ സമാധി, അനിമിത്തോ സമാധി, അപ്പണിഹിതോ സമാധി – രാഗസ്സ, ഭിക്ഖവേ, അഭിഞ്ഞായ ഇമേ തയോ ധമ്മാ ഭാവേതബ്ബാ. ( ) [(രാഗസ്സ ഭിക്ഖവേ അഭിഞ്ഞായ തയോ ധമ്മാ ഭാവേതബ്ബാ. കതമേ തയോ? സവിതക്കസവിചാരോ സമാധി, അവിതക്കവിചാരമത്തോ സമാധി, അവിതക്കഅവിചാരോ സമാധി. രാഗസ്സ ഭിക്ഖവേ അഭിഞ്ഞായ ഇമേ തയോ ധമ്മാ ഭാവേതബ്ബാ.) ഏത്ഥന്തരേ പാഠോ കത്ഥചി ദിസ്സതി, അട്ഠകഥായം പസ്സിതബ്ബോ]

‘‘രാഗസ്സ, ഭിക്ഖവേ, പരിഞ്ഞായ…പേ… പരിക്ഖയായ… പഹാനായ… ഖയായ… വയായ… വിരാഗായ… നിരോധായ… ചാഗായ… പടിനിസ്സഗ്ഗായ ഇമേ തയോ ധമ്മാ ഭാവേതബ്ബാ.

‘‘ദോസസ്സ… മോഹസ്സ… കോധസ്സ… ഉപനാഹസ്സ… മക്ഖസ്സ… പലാസസ്സ… ഇസ്സായ… മച്ഛരിയസ്സ… മായായ… സാഠേയ്യസ്സ… ഥമ്ഭസ്സ… സാരമ്ഭസ്സ… മാനസ്സ… അതിമാനസ്സ… മദസ്സ… പമാദസ്സ അഭിഞ്ഞായ… പരിഞ്ഞായ… പരിക്ഖയായ… പഹാനായ… ഖയായ… വയായ… വിരാഗായ… നിരോധായ… ചാഗായ… പടിനിസ്സഗ്ഗായ ഇമേ തയോ ധമ്മാ ഭാവേതബ്ബാ’’തി.

(ഇദമവോച ഭഗവാ. അത്തമനാ തേ ഭിക്ഖൂ ഭഗവതോ ഭാസിതം അഭിനന്ദുന്തി.) [( ) ഏത്ഥന്തരേ പാഠോ സ്യാ. കം. ക. പോത്ഥകേസു ന ദിസ്സതി]

രാഗപേയ്യാലം നിട്ഠിതം.