໔. ປິຓ຺ຑປາຕວຄ຺ໂຄ

໑໕໓. ອນາທຣິຍໍ ປຏິຈ຺ຈ ອສກ຺ກຈ຺ຈໍ ປິຓ຺ຑປາຕໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຕຫໍ ຕຫໍ ໂອໂລເກນ຺ເຕນ ປິຓ຺ຑປາຕໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຕຫໍ ຕຫໍ ໂອມສິຕ຺ວາ ປິຓ຺ຑປາຕໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ສູປຎ຺ເຎວ ພຫຸໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຖູປກໂຕ ໂອມທ຺ທິຕ຺ວາ ປິຓ຺ຑປາຕໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ສູປໍ ວາ ພ຺ຍຎ຺ຊນໍ ວາ ໂອທເນນ ປຏິຈ຺ຉາເທນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ສູປໍ ວາ ໂອທນໍ ວາ ອຄິລາໂນ ອຕ຺ຕໂນ ອຕ຺ຖາຍ ວິຎ຺ຎາເປຕ຺ວາ ຠຸຎ຺ຊນ຺ຕສ຺ສ ທຸກ຺ກຏໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຉພ຺ພຄ຺ຄິເຍ ຠິກ຺ຂູ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຉພ຺ພຄ຺ຄິຍາ ຠິກ຺ຂູ ສູປມ຺ປິ ໂອທນມ຺ປິ ອຕ຺ຕໂນ ອຕ຺ຖາຍ ວິຎ຺ຎາເປຕ຺ວາ ຠຸຎ຺ຊິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ, ເອກາ ອນຸປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ທ຺ວີຫິ ສມຸຏ຺ຐາເນຫິ ສມຸຏ຺ຐາຕິ – ສິຍາ ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ; ສິຍາ ກາຍໂຕ ຈ ວາຈໂຕ ຈ ຈິຕ຺ຕໂຕ ຈ ສມຸຏ຺ຐາຕິ…ເປ….

ອນາທຣິຍໍ ປຏິຈ຺ຈ ອຸຊ຺ຌານສຎ຺ຎິນາ ປເຣສໍ ປຕ຺ຕໍ ໂອໂລເກນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ມຫນ຺ຕໍ ກພຬໍ ກໂຣນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ທີຆໍ ອາໂລປໍ ກໂຣນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ປິຓ຺ຑປາຕວຄ຺ໂຄ ຈຕຸຕ຺ໂຖ.