໕. ກພຬວຄ຺ໂຄ

໑໕໔. ອນາທຣິຍໍ ປຏິຈ຺ຈ ອນາຫເຏ ກພເຬ ມຸຂທ຺ວາຣໍ ວິວຣນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຠຸຎ຺ຊມາເນນ ສພ຺ພໍ ຫຕ຺ຖໍ ມຸເຂ ປກ຺ຂິປນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ສກພເຬນ ມຸເຂນ ພ຺ຍາຫຣນ຺ຕສ຺ສ ທຸກ຺ກຏໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຉພ຺ພຄ຺ຄິເຍ ຠິກ຺ຂູ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຉພ຺ພຄ຺ຄິຍາ ຠິກ຺ຂູ ສກພເຬນ ມຸເຂນ ພ຺ຍາຫຣິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ວາຈໂຕ ຈ ຈິຕ຺ຕໂຕ ຈ ສມຸຏ຺ຐາຕິ…ເປ….

ອນາທຣິຍໍ ປຏິຈ຺ຈ ປິຓ຺ຑຸກ຺ເຂປກໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ກພຬາວຈ຺ເຉທກໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ອວຄຓ຺ຑກາຣກໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຫຕ຺ຖນິທ຺ຘຸນກໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ສິຕ຺ຖາວກາຣກໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຊິວ຺ຫານິຈ຺ຉາຣກໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຈປຸຈປຸກາຣກໍ ຠຸຎ຺ຊນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ກພຬວຄ຺ໂຄ ປຎ຺ຈໂມ.