໓. ຂມ຺ຠກຕວຄ຺ໂຄ

໑໕໒. ອນາທຣິຍໍ ປຏິຈ຺ຈ ຂມ຺ຠກເຕນ ອນ຺ຕຣຆເຣ ຄຈ຺ຉນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ. ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຂມ຺ຠກເຕນ ອນ຺ຕຣຆເຣ ນິສີທນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ໂອຄຸຓ຺ຐິເຕນ ອນ຺ຕຣຆເຣ ຄຈ຺ຉນ຺ຕສ຺ສ ທຸກ຺ກຏໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຉພ຺ພຄ຺ຄິເຍ ຠິກ຺ຂູ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຉພ຺ພຄ຺ຄິຍາ ຠິກ຺ຂູ ສສີສໍ ປາຣຸປິຕ຺ວາ ອນ຺ຕຣຆເຣ ຄຈ຺ຉິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ໂອຄຸຓ຺ຐິເຕນ ອນ຺ຕຣຆເຣ ນິສີທນ຺ຕສ຺ສ ທຸກ຺ກຏໍ ກຕ຺ຖ ປຎ຺ຎຕ຺ຕນ຺ຕິ? ສາວຕ຺ຖິຍໍ ປຎ຺ຎຕ຺ຕໍ. ກໍ ອາຣພ຺ຠາຕິ? ຉພ຺ພຄ຺ຄິເຍ ຠິກ຺ຂູ ອາຣພ຺ຠ. ກິສ຺ມິໍ ວຕ຺ຖຸສ຺ມິນ຺ຕິ? ຉພ຺ພຄ຺ຄິຍາ ຠິກ຺ຂູ ສສີສໍ ປາຣຸປິຕ຺ວາ ອນ຺ຕຣຆເຣ ນິສີທິໍສຸ, ຕສ຺ມິໍ ວຕ຺ຖຸສ຺ມິໍ. ເອກາ ປຎ຺ຎຕ຺ຕິ. ຉນ຺ນໍ ອາປຕ຺ຕິສມຸຏ຺ຐານານໍ ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ອຸກ຺ກຸຏິກາຍ ອນ຺ຕຣຆເຣ ຄຈ຺ຉນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ປລ຺ລຕ຺ຖິກາຍ [ປລ຺ລຕ຺ຕິກາຍ (ກ.)] ອນ຺ຕຣຆເຣ ນິສີທນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ອສກ຺ກຈ຺ຈໍ ປິຓ຺ຑປາຕໍ ປຏິຄ຺ຄຓ຺ຫນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຕຫໍ ຕຫໍ ໂອໂລເກນ຺ເຕນ ປິຓ຺ຑປາຕໍ ປຏິຄ຺ຄຓ຺ຫນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ສູປຎ຺ເຎວ ພຫຸໍ ປຏິຄ຺ຄຓ຺ຫນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ອນາທຣິຍໍ ປຏິຈ຺ຈ ຖູປີກຕໍ ປິຓ຺ຑປາຕໍ ປຏິຄ຺ຄຓ຺ຫນ຺ຕສ຺ສ ທຸກ຺ກຏໍ…ເປ… ເອກາ ປຎ຺ຎຕ຺ຕິ. ເອເກນ ສມຸຏ຺ຐາເນນ ສມຸຏ຺ຐາຕິ – ກາຍໂຕ ຈ ຈິຕ຺ຕໂຕ ຈ ສມຸຏ຺ຐາຕິ, ນ ວາຈໂຕ…ເປ….

ຂມ຺ຠກຕວຄ຺ໂຄ ຕຕິໂຍ.