໙. ອນຸປຸພ຺ພາຠິສມຍກຖາວຓ຺ຓນາ

໓໓໙. ‘‘ຕານິ ວາ ຈຕ຺ຕາຣິປິ ຎາຓານິ ເອໂກ ໂສຕາປຕ຺ຕິມຄ຺ໂຄເຍວາຕິ ປຏິຊານາຕີ’’ຕິ ອິມໍ ສນ຺ຘາຍາຫ ‘‘ອຖ ວາ’’ຕິອາທິ. ຈຕຸນ຺ນໍ ຎາຓານນ຺ຕິ ທຸກ຺ເຂຎາຓາທີນໍ ຈຕຸນ຺ນໍ ຎາຓານໍ. ເອກມຄ຺ຄຠາວໂຕຕິ ໂສຕາປຕ຺ຕິອາທິເອກມຄ຺ຄຠາວໂຕ. ກເມນ ປວຕ຺ຕມານານິປິ ຫິ ຕານິ ຎາຓານິ ຕໍຕໍມຄ຺ຄກິຈ຺ຈສ຺ສ ສາຘນໂຕ ເອໂກເຍວ ມຄ຺ໂຄ ໂຫຕີຕິ ອຘິປ຺ປາໂຍ. ເຕນາຫ ‘‘ເອກມຄ຺ຄສ຺ສ…ເປ… ປຏິຊານາຕີ’’ຕິ.

໓໔໔. ທສ຺ສເນຕິ ມຄ຺ຄທສ຺ສເນ.

໓໔໕. ຘມ຺ມຕ຺ຖານໍ ເຫຕຸຜລຠາວໂຕ ຘມ຺ມຕ຺ຖປຏິສມ຺ຠິທານໍ ສິຍາ ໂສຕາປຕ຺ຕິຜລເຫຕຸຕາ, ຕທຠາວໂຕ ນ ອິຕຣປຏິສມ຺ຠິທານນ຺ຕິ ອາຫ ‘‘ນິຣຸຕ຺ຕິ…ເປ… ວິຈາເຣຕພ຺ພ’’ນ຺ຕິ. ສພ຺ພາສມ຺ປິ ປນ ປຏິສມ຺ຠິທານໍ ປຐມຜລສຈ຺ຉິກິຣິຍາເຫຕຸຕາ ວິຈາເຣຕພ຺ພາ ມຄ຺ຄາຘິຄເມເນວ ລທ຺ຘພ຺ພຕ຺ຕາ ຜລານໍ ວິຍ, ຕສ຺ມາ ‘‘ອຏ຺ຐຫິ ຎາເຓຫີ’’ຕິ ເອຕ຺ຖ ນິກ຺ເຂປກຓ຺ເຑ ອາຄຕນເຍນ ທຸກ຺ຂາທິຎາຓານໍ ປຸພ຺ພນ຺ຕາທິຎາຓານຎ຺ຈ ວເສນ ‘‘ອຏ຺ຐຫິ ຎາເຓຫີ’’ຕິ ຍຸຕ຺ຕໍ ວິຍ ທິສ຺ສຕິ.

ອນຸປຸພ຺ພາຠິສມຍກຖາວຓ຺ຓນາ ນິຏ຺ຐິຕາ.