໑໐. ໂວຫາຣກຖາວຓ຺ຓນາ

໓໔໗. ວິສຍວິສຍີສູຕິ ຣູປຈກ຺ຂາທິເກ ສນ຺ຘາຍາຫ. ເຕ ຫິ ຣູປກ຺ຂນ຺ຘປຣິຍາປນ຺ນຕ຺ຕາ ເອກນ຺ເຕນ ໂລກິຍາ. ວິສຍສ຺ເສວາຕິ ສທ຺ທສ຺ເສວ. ໂສ ຫິ ໂວຫຣິຕພ຺ພໂຕ ໂວຫາຣກຣຓຕາຍ ຈ ‘‘ໂວຫາໂຣ’’ຕິ ປາຬິຍໍ ວຸຕ຺ໂຕ. ນຕ຺ເຖຕ຺ຖ ກາຣຓໍ ວິສຍີນໍ ວິສຍສ຺ສປິ ອາສວາທິອນາຣມ຺ມຓຕາຠາວໂຕ. ອສິທ຺ຘໂລກຸຕ຺ຕຣຠາວສ຺ສ ເອກນ຺ຕສາສວຕ຺ຕາ ຕສ຺ສ ສທ຺ທາຍຕນສ຺ສ ຍຖາ ໂລກຸຕ຺ຕຣຕາ ຕວ ມເຕນາຕິ ອຘິປ຺ປາໂຍ.

ປຏິຫຎ຺ເຎຍ຺ຍາຕິ ອິທໍ ປຣິກປ຺ປວຈນໍ. ປຣິກປ຺ປວຈນຎ຺ຈ ອຍາຖາວນ຺ຕິ ອາຫ ‘‘ນ ຫິ…ເປ… ອຕ຺ຖີ’’ຕິ. ນ ຫິ ຊລໍ ອນລນ຺ຕິ ປຣິກປ຺ປິຕໍ ທຫຕິ ປຈຕິ ວາ. ກິໍ ໂລກິເຍນ ຎາເຓນ ຊານິຕພ຺ພໂຕ ໂລກິໂຍ ຣູປາຍຕນາທິ ວິຍ, ອຸທາຫຸ ໂລກຸຕ຺ຕໂຣ ປຈ຺ຈເວກ຺ຂິຍມານມຄ຺ຄາທິ ວິຍາຕິ ເອວເມຕ຺ຖ ເຫຕຸສ຺ສ ອເນກນ຺ຕຠາໂວ ເວທິຕພ຺ໂພ. ເຕນາຫ ‘‘ໂລກິເຍ ໂລກຸຕ຺ຕເຣ ຈ ສມ຺ຠວໂຕ’’ຕິ.

ໂວຫາຣກຖາວຓ຺ຓນາ ນິຏ຺ຐິຕາ.