໔. ຎາຓກຖາວຓ຺ຓນາ

໖໑໔-໖໑໕. ‘‘ອນ຺ຘກາ’’ຕິ ວຸຕ຺ຕາ ປຸພ຺ພເສລິຍອປຣເສລິຍຣາຊຄິຣິກສິທ຺ຘຕ຺ຖິກາປິ ເຍຠຸຍ຺ເຍນ ມຫາສງ຺ຆິກາ ເອວາຕິ ວຸຕ຺ຕໍ ‘‘ປຸພ຺ເພ…ເປ… ຠເວຍ຺ຍຸ’’ນ຺ຕິ. ຕຕ຺ຖ ອຎ຺ເຎຕິ ວຈນໍ ທ຺ວິນ຺ນໍ ກຖານໍ ອຸຊຸວິປຈ຺ຈນີກຠາວໂຕ. ປຸຣິມການຎ຺ຫິ ຈກ຺ຂຸວິຎ຺ຎາຓາທິສມງ຺ຄີ ‘‘ຎາຓີ’’ຕິ ວຸຈ຺ຈຕິ, ອິເມສໍ ໂສ ເອວ ‘‘ຎາຓີ’’ຕິ ນ ວຕ຺ຕພ຺ໂພຕິ ວຸຕ຺ໂຕ. ຣາຄວິຄໂມ ຣາຄສ຺ສ ສມຸຈ຺ຉິນ຺ທນໍ, ຕຖາ ອຎ຺ຎາຓວິຄໂມ. ຍຖາ ສມຸຈ຺ຉິນ຺ນາວິຊ຺ໂຊ ‘‘ຎາຓີ’’ຕິ, ປຏິປກ຺ຂໂຕ ‘‘ອຎ຺ຎາຓີ’’ຕິ, ເອວໍ ອສມຸຈ຺ຉິນ຺ນາວິຊ຺ໂຊ ‘‘ອຎ຺ຎາຓີ’’ຕິ, ປຏິປກ຺ຂໂຕ ‘‘ຎາຓີ’’ຕິ ວຸຕ຺ໂຕ. ອຎ຺ຎາຓສ຺ສ ວິຄຕຕ຺ຕາ ໂສ ‘‘ຎາຓີ’’ຕິ ວຕ຺ຕພ຺ພຕໍ ອາປຊ຺ຊຕິ, ນ ປນ ສຕຕໍ ສມິຕໍ ຎາຓສ຺ສ ປວຕ຺ຕນໂຕຕິ ອຘິປ຺ປາໂຍ.

ຎາຓກຖາວຓ຺ຓນາ ນິຏ຺ຐິຕາ.