໑. ໂກສິຍສິກ຺ຂາປທວຓ຺ຓນາ

໕໔໒. ປາຬິຍໍ ‘‘ໂກສິຍກາຣເກ’’ຕິ ເອຕ຺ຖ ໂກສໍ ກໂຣນ຺ຕີຕິ ໂກສກາຣກາຕິ ລທ຺ຘໂວຫາຣານໍ ປາຓການໍ ໂກສໂຕ ນິພ຺ພຕ຺ຕໍ ໂກສິຍໍ, ຕໍ ກໂຣນ຺ຕີຕິ ໂກສິຍກາຣກາ, ຕນ຺ຕວາຍາ. ສໍຫນນໍ ສງ຺ຆາໂຕ, ວິນາໂສຕິ ອຕ຺ໂຖ. ໂກສິຍມິສ຺ສກນ຺ຕິ ໂກສິຍຕນ຺ຕຸນາ ມິສ຺ສໍ. ‘‘ອວາຍິມ’’ນ຺ຕິ ວຸຕ຺ຕຕ຺ຕາ ວາຍິຕ຺ວາ ເຈ ກໂຣນ຺ຕິ, ອນາປຕ຺ຕິ. ອນາປຕ຺ຕິ ວິຕານໍ ວາຕິອາທິນາ ວິຕານາທີນໍ ອຕ຺ຖາຍ ກຣເຓປິ ເຕນາກາເຣນ ປຣິໂຠເຄປິ ອນາປຕ຺ຕິ ວຸຕ຺ຕາ.

ເອວມ຺ປິ ມິສ຺ເສຕ຺ວາ ກຕເມວ ໂຫຕີຕິ ອິມິນາ ວາເຕນ ອາຫຣິຕ຺ວາ ປາຕິເຕປິ ອຈິຕ຺ຕກຕ຺ຕາ ອາປຕ຺ຕິເຍວາຕິ ທສ຺ເສຕິ. ໂກສິຍມິສ຺ສກຕາ, ອຕ຺ຕໂນ ອຕ຺ຖາຍ ສນ຺ຖຕສ຺ສ ກຣຓໍ ກາຣາປນໍ, ປຏິລາໂຠ ຈາຕິ ອິມາເນຕ຺ຖ ຕີຓິ ອງ຺ຄານິ.

ໂກສິຍສິກ຺ຂາປທວຓ຺ຓນາ ນິຏ຺ຐິຕາ.

໕໔໗. ສຸທ຺ຘກາຬກສິກ຺ຂາປທໍ ອຸຕ຺ຕານຕ຺ຖເມວ.