໙. ປຣິປາຈິຕສິກ຺ຂາປທວຓ຺ຓນາ

໑໙໔. ນວເມ ປຏິຍາທິຕນ຺ຕິ ຠິກ຺ຂູນໍ ອຕ຺ຖາຍ ສມ຺ປາທິຕໍ. ຎາຕກາ ວາ ໂຫນ຺ຕິ ປວາຣິຕາ ວາຕິ ເອຕ຺ຖ ສເຈປິ ຠິກ຺ຂຸໂນ ອຎ຺ຎາຕກາ ອປ຺ປວາຣິຕາ ຈ ສິຍຸໍ, ຠິກ຺ຂຸນິຍາ ຎາຕກາ ປວາຣິຕາ ເຈ, ວຏ຺ຏຕິ.

໑໙໗. ປາປຠິກ຺ຂູນໍ ປກ຺ຂຸປຈ຺ເຉທາຍ ອິທໍ ປຎ຺ຎຕ຺ຕໍ, ຕສ຺ມາ ປຎ຺ຈໂຠຊເນເຍວ ອາປຕ຺ຕິ ວຸຕ຺ຕາ. ປຎ຺ຈ ໂຠຊນານິ ຐເປຕ຺ວາ ສພ຺ພຕ຺ຖ ອນາປຕ຺ຕີຕິ ອິທໍ ປນ ອິມິນາ ສິກ຺ຂາປເທນ ອນາປຕ຺ຕິທສ຺ສນຕ຺ຖໍ ວຸຕ຺ຕໍ. ວິຎ຺ຎຕ຺ຕິຍາ ອຸປ຺ປນ຺ນໍ ປຣິຠຸຎ຺ຊນ຺ຕສ຺ສ ຫິ ອຎ຺ຎຕ຺ຖ ວຸຕ຺ຕນເຍນ ທຸກ຺ກຏໍ. ເສສໍ ອຸຕ຺ຕານເມວ. ຠິກ຺ຂຸນິປຣິປາຈິຕຠາໂວ, ຊານນໍ, ຄິຫິສມາຣມ຺ຠາຠາໂວ, ໂອທນາທີນໍ ອຎ຺ຎຕຣຕາ, ຕສ຺ສ ອຊ຺ໂຌຫຣຓນ຺ຕິ ອິມານິ ປເນຕ຺ຖ ປຎ຺ຈ ອງ຺ຄານິ.

ປຣິປາຈິຕສິກ຺ຂາປທວຓ຺ຓນາ ນິຏ຺ຐິຕາ.