ສມຸຏ຺ຐານສີສວຓ຺ຓນາ

໒໕໗. ອນຕ຺ຕາຕິ ອຕ຺ຕວິຣຫິຕາ ‘‘ອລວຓໂຠຊນ’’ນ຺ຕິອາທີສຸ ວິຍ. ກຣຸຓາສີຕລຠາເວນ ຈນ຺ທສທິໂສ. ກິເລສຕິມິຣປ຺ປຫານໂຕ ອາທິຈ຺ໂຈ. ຍສ຺ມາ ເຕ ເທສຍນ຺ຕິ, ຕສ຺ມາ ອງ຺ຄີຣໂສປິ. ປິຏເກ ຕີຓິ ເທສຍິ ເຕສໍ ອຎ຺ຎຕຣຕ຺ຕາຕິ ອຕ຺ໂຖ. ວິນໂຍ ຍທິ ຕິຏ຺ຐຕິ, ເອວໍ ປຏິປຕ຺ຕິສທ຺ຘມ຺ມາທິ ນີຍຕິ ປວຕ຺ຕຕີຕິ ອຕ຺ໂຖ. ອຍໍ ປນ ກຖໍ ຕິຏ຺ຐຕີຕິ? ອາຫ ‘‘ອຸຠໂຕ ຈາ’’ຕິອາທິ. ປຣິວາເຣນ ຄນ຺ຖິຕາ ຕິຏ຺ຐນ຺ຕີຕິ ອຕ຺ໂຖ. ຕສ຺ເສວ ປຣິວາຣສ຺ສ ສຸຕ຺ເຕ. ນິຍຕສມຸຏ຺ຐານໍ ກຕໍ, ວຸຕ຺ຕນ຺ຕິ ອຘິປ຺ປາໂຍ. ອສມ຺ຠິນ຺ນສມຸຏ຺ຐານານິ ອສງ຺ກຣສມຸຏ຺ຐານານິ, ອຎ຺ເຎຫິ ອສທິສສມຸຏ຺ຐານານີຕິ ອຕ຺ໂຖ. ຍສ຺ມາ ປຣິວາເຣ ສຕິ ວິນໂຍ ຕິຏ຺ຐຕິ, ວິນເຍ ສຕິ ສທ຺ຘມ຺ໂມ ຕິຏ຺ຐຕິ, ຍສ຺ມາ ສມຸຏ຺ຐານານິ ຈ ສຸຕ຺ເຕ ທິສ຺ສນ຺ຕິ, ຕສ຺ມາ ສິກ຺ເຂຕິ ອຕ຺ໂຖ. ‘‘ຘມ຺ມກາໂມ ສຸເປສໂລ’’ຕິ ປຣິວາເຣ ຄາຣວຊນນຕ຺ຖໍ ວຸຕ຺ຕໍ. ຕຕ຺ຖາຕິ ‘‘ທິສ຺ສນ຺ຕີ’’ຕິ ຕຕ຺ຖ. ‘‘ເອເກນ ສມຸຏ຺ຐາເນນ ສມຸຏ຺ຐາຕີຕິ ປຐມປາຣາຊິກໍ ເອເກນ ສມຸຏ຺ຐາເນນ ສມຸຏ຺ຐາຕີ’’ຕິ ວຸຕ຺ຕໍ. ປາຬິຍຎ຺ຫິ ນິທ຺ທິຏ຺ຐສມຸຏ຺ຐານຎ຺ຈ ທິສ຺ສຕິ. ‘‘ຕສ຺ເສວ ປຣິວາຣສ຺ສ, ສມຸຏ຺ຐານໍ ນິຍໂຕ ກຕ’’ນ຺ຕິ ວຸຕ຺ຕໍ ປຸຣິມນເຍຕິ ອຕ຺ໂຖ. ຍຖາຎາຍນ຺ຕິ ຍຖາຠູຕໍ. ‘‘ສຎ຺ຈຣິຕ຺ຕາຠາສນຎ຺ຈາ’’ຕິ ປາໂຐ. ‘‘ສຎ຺ຈຣິຕ຺ຕານຸຠາສນຎ຺ຈາ’’ຕິປິ ອຕ຺ຖິ. ນຍວຊ຺ເຊຫິ ວິນຍວຊ຺ເຊຫີຕິ ອຕ຺ໂຖ.

ປຐມປາຣາຊິກສມຸຏ຺ຐານວຓ຺ຓນາ

໒໕໘. ນານຸພນ຺ເຘ ປວຕ຺ຕິນິນ຺ຕິ ‘‘ຍາ ປນ ຠິກ຺ຂຸນີ ວຸຕ຺ຖາປິຕໍ ປວຕ຺ຕິນິໍ ທ຺ເວ ວສ຺ສານິ ນານຸພນ຺ເຘຍ຺ຍາ’’ຕິ ວຸຕ຺ຕສິກ຺ຂາປທຎ຺ຈ. ອຍໍ ປາໂຐ ເອກຈ຺ເຈສຸ ໂປຕ຺ຖເກສຸ ນ ທິສ຺ສຕິ. ຉສຕ຺ຕຕິ ປຐມປາຣາຊິກສມຸຏ຺ຐານາ.

ທຸຕິຍປາຣາຊິກສມຸຏ຺ຐານວຓ຺ຓນາ

໒໕໙. ‘‘ກຸກ຺ກຸຈ຺ຈໍ ຈີວຣໍ ທຕ຺ວາຕິ ກຸກ຺ກຸຈ຺ຈຸປ຺ປາທນຎ຺ຈ ຘມ຺ມິການໍ ກມ຺ມານໍ ຉນ຺ທໍ ທຕ຺ວາ ຂີຍນຎ຺ຈ ຈີວຣໍ ທຕ຺ວາ ຂີຍນຎ຺ຈາ’’ຕິ ປາໂຐ. ‘‘ທຕ຺ວາ’’ຕິ ອຸປ຺ປຏິປາຏິຍາ ວຸຕ຺ຕໍ, ຕສ຺ມາ ‘‘ກຸກ຺ກຸຈ຺ຈໍ ຘມ຺ມິກໍ ທຕ຺ວາຕິ ປາໂຐ ສຸນ຺ທໂຣ’’ຕິ ວທນ຺ຕິ, ວິຈາເຣຕ຺ວາ ຄເຫຕພ຺ພໍ.

໒໖໙. ອກຕນ຺ຕິ ອຠິນວໍ.