໗. ທຸຕິຍມິຕ຺ຕາມຈ຺ຈສຸຕ຺ຕວຓ຺ຓນາ

໑໐໑໓. ກິສ຺ມິຎ຺ຈິ ກສ຺ສຈິ ຈ ຕຖາ ຕຖາ ອຸປ຺ປນ຺ນສ຺ສ ປສາທສ຺ສ ອຎ຺ຎຖາຠາໂວ ປສາທຎ຺ຎຖຕ຺ຕໍ. ຠູຕສງ຺ຆາຕສ຺ສ ຆນອາທິກສ຺ສ ອຎ຺ຎຖາຠາໂວ ຠາວຎ຺ຎຖຕ຺ຕໍ. ນິຣຍາທິຄຕິອນ຺ຕຣອຸປປຕ຺ຕິ ຄຕິອຎ຺ຎຖຕ຺ຕໍ. ສຠາວຘມ຺ມານໍ ກກ຺ຂຬຜຸສນາທິລກ຺ຂຓສ຺ສ ອຎ຺ຎຖາຠາໂວ ລກ຺ຂຓຎ຺ຎຖຕ຺ຕໍ. ‘‘ຐິຕສ຺ສ ອຎ຺ຎຖຕ຺ຕໍ ປຎ຺ຎາຍຕີ’’ຕິ ເອວໍ ວຸຕ຺ຕໍ ອຎ຺ຎຖຕ຺ຕໍ ວິປຣິຓາມຎ຺ຎຖຕ຺ຕໍ. ລກ຺ຂຓຎ຺ຎຖຕ຺ຕໍ ນ ລພ຺ຠຕິ. ເຕນາຫ ‘‘ລກ຺ຂຓໍ ປນ ນ ວິຄຈ຺ຉຕີ’’ຕິ, ເສສໍ ລພ຺ຠຕີຕິ. ປຖວີຘາຕຸຍາຕິ ສສມ຺ຠາຣປຖວີຘາຕຸຍາ. ອາໂປຘາຕຸຍາຕິ ເອຕ຺ຖາປິ ເອເສວ ນໂຍ. ປຸຣິມຠາໂວຕິ ຆນກຐິນຠາໂວ. ຠາວຎ຺ຎຖຕ຺ຕໍ ຣສຎ຺ຎຖຕ຺ຕສຠາໂວ. ຄຕິອຎ຺ຎຖຕ຺ຕໍ ອຸຄ຺ຄຕູປປຕ຺ຕິ. ເຕນາຫ ‘‘ຕຎ຺ຫິ ອຣິຍສາວກສ຺ສ ນຕ຺ຖີ’’ຕິ. ປສາທຎ຺ຎຖຕ຺ຕມ຺ປິ ນຕ຺ຖິເຍວ ອຣິຍສາວກສ຺ສ.

ຣາຊກາຣາມວຄ຺ຄວຓ຺ຓນາ ນິຏ຺ຐິຕາ.