໑໑. ໂຍຄກ຺ເຂມິວຄ຺ໂຄ

໑. ໂຍຄກ຺ເຂມິສຸຕ຺ຕວຓ຺ຓນາ

໑໐໔. ຈຕູຫິ ໂຍເຄຫີຕິ ກາມໂຍຄາທີຫິ ຈຕູຫິ ໂຍເຄຫິ. ເຂມິໂນຕິ ເຂມວໂຕ ກຸສລິໂນ. ກາຣຓຠູຕນ຺ຕິ ກຕ຺ຕພ຺ພອຸປາຍສ຺ສ ກາຣຓຠູຕໍ. ປຣິຍາຍຕິ ປວຕ຺ຕິໍ ນິວຕ຺ຕິຎ຺ຈ ຎາເປຕີຕິ ປຣິຍາໂຍ, ຘມ຺ໂມ ຈ ໂສ ປຣິຍຕ຺ຕິຘມ຺ມຕ຺ຕາ ປຣິຍາໂຍ ຈາຕິ ຘມ຺ມປຣິຍາໂຍ, ຕໍ ຘມ຺ມປຣິຍາຍໍ. ຍສ຺ມາ ປນ ໂສ ຕສ຺ສາຘິຄມສ຺ສ ກາຣຓໍ ໂຫຕິ, ຕສ຺ມາ ວຸຕ຺ຕໍ ‘‘ຘມ຺ມກາຣຓ’’ນ຺ຕິ. ຍຸຕ຺ຕິນ຺ຕິ ສມຖວິປສ຺ສນາຘມ຺ມານີຕິ ວາ ຈຕຸສຈ຺ຈຘມ຺ມານີຕິ ວາ. ‘‘ຕສ຺ມາ’’ຕິ ປທໍ ອຸທ຺ຘຣິຕ຺ວາ – ‘‘ກສ຺ມາ’’ຕິ ກາຣຓໍ ປຸຈ຺ຉນ຺ໂຕ ‘‘ກິໍ ອກ຺ຂາຕຕ຺ຕາ, ອຸທາຫຸ ປຫີນຕ຺ຕາ’’ຕິ ວິຠຊິຕ຺ວາ ປຸຈ຺ຉິ. ຍສ຺ມາ ປນ ຉນ຺ທຣາຄປ຺ປຫານໍ ໂຍຄກ຺ເຂມິຠາວສ຺ສ ກາຣຓໍ, ນ ກຖນໍ, ຕສ຺ມາ ‘‘ປຫີນຕ຺ຕາ’’ຕິອາທິ ວຸຕ຺ຕໍ.

ໂຍຄກ຺ເຂມິສຸຕ຺ຕວຓ຺ຓນາ ນິຏ຺ຐິຕາ.

໒-໑໐. ອຸປາທາຍສຸຕ຺ຕາທິວຓ຺ຓນາ

໑໐໕-໑໑໓. ເວທນາສຸຂທຸກ຺ຂນ຺ຕິ ເວທນາສງ຺ຂາຕໍ ສຸຂຎ຺ຈ ທຸກ຺ຂຎ຺ຈ ກຖິຕໍ. ‘‘ອຊ຺ຌຕ຺ຕໍ ສຸຂໍ ທຸກ຺ຂ’’ນ຺ຕິ ວຸຕ຺ຕຕ຺ຕາ ວິມຸຕ຺ຕິສຸຂສ຺ສ ຈ ສຬາຍຕນທຸກ຺ຂສ຺ສ ຈ ກຖິຕຕ຺ຕາ ວິວຏ຺ຏສຸຂໍ ເຈຕ຺ຖ ກຖິຕເມວາຕິ ສກ຺ກາ ວິຎ຺ຎາຕຸໍ. ກາມໍ ຂນ຺ຘິຍວຄ຺ເຄ ຂນ຺ຘວເສນ ເທສນາ ອາຄຕາ, ນ ອາຍຕນວເສນ. ເອຕ຺ຖ ປນ ວຕ຺ຕພ຺ພໍ ອຕ຺ຖຊາຕໍ ຂນ຺ຘິຍວຄ຺ເຄ ວຸຕ຺ຕນຍເມວາຕິ.

ອຸປາທາຍສຸຕ຺ຕາທິວຓ຺ຓນາ ນິຏ຺ຐິຕາ.

ໂຍຄກ຺ເຂມິວຄ຺ຄວຓ຺ຓນາ ນິຏ຺ຐິຕາ.