໓. ປຣິຫານສຸຕ຺ຕວຓ຺ຓນາ

໙໖. ປຣິຫານສຠາວນ຺ຕິ ອນວຊ຺ຊຘມ຺ເມຫິ ປຣິຫາຍນສຠາວໍ. ອຠິຠວິຕານີຕິ ອຠິຠູຕານິ ນິພ຺ພິເສວນຠາວາກາເຣນ. ສຣສງ຺ກປ຺ປາຕິ ຕສ຺ມິໍ ຕສ຺ມິໍ ວິສເຍ ອນວຏ຺ຐິຕຠາເວນ ສງ຺ກປ຺ປາ. ສໍໂຍຊນິຍາຕິ ສໍໂຍເຊຕພ຺ພາ. ສໍໂຍຊນານຎ຺ຫິ ປຸນປ຺ປຸນໍ ອຸປ຺ປຕ຺ຕິຍາ ໂອກາສໍ ເທນ຺ໂຕ ກິເລສຊາຕໍ ອຘິວາເສຕິ ນາມ. ກິເລໂສ ເອວ ກິເລສຊາຕໍ. ອາຣມ຺ມຓໍ ປນ ຈິຕ຺ເຕ ກໂຣນ຺ໂຕ ອຘິວາເສຕິ ນາມ. ຉນ຺ທຣາຄປ຺ປຫາເນນ ນ ປຊຫຕິ ອາຣມ຺ມຓໍ, ກິເລສໍ ປນ ອນຸປ຺ປຕ຺ຕິຘມ຺ມຕາປາທເນນ ເອວ. ອຠິຠວິຕໍ ອາຍຕນນ຺ຕິ ກຖິຕໍ ອຘິວາສນາທິນາ. ‘‘ກຖຎ຺ຈ, ຠິກ຺ຂເວ, ປຣິຫານຘມ຺ໂມ ໂຫຕີ’’ຕິ ຘມ຺ມໍ ປຸຈ຺ຉິຕ຺ວາ ຕໍ ວິຠຊນ຺ເຕນ ຠຄວຕາ ‘‘ຕຎ຺ເຈ ຠິກ຺ຂຸ ອຘິວາເສຕີ’’ຕິອາທິນາ ປຸຄ຺ຄເລນ ປຸຄ຺ຄລາຘິຏ຺ຐາເນນ ຘມ຺ໂມ ທສ຺ສິໂຕ.

ປຣິຫານສຸຕ຺ຕວຓ຺ຓນາ ນິຏ຺ຐິຕາ.