໗. ອຸປາທາປຣິຕສ຺ສນາສຸຕ຺ຕວຓ຺ຓນາ

໗. ຄຫເຓນ ອຸປ຺ປນ຺ນໍ ປຣິຕສ຺ສນນ຺ຕິ ຂນ຺ຘປຎ຺ຈເກ ‘‘ອຫໍ ມມາ’’ຕິ ຄຫເຓນ ອຸປ຺ປນ຺ນໍ ຕຓ຺ຫາປຣິຕສ຺ສນໍ ທິຏ຺ຐິປຣິຕສ຺ສນຎ຺ຈ. ອປຣິຕສ຺ສນນ຺ຕິ ປຣິຕສ຺ສນາຠາວໍ, ປຣິຕສ຺ສນປຏິປກ຺ຂໍ ວາ. ອຫຸ ວຕ ເມຕໍ ພລໂຍພ຺ພນາທິ. ກມ຺ມວິຎ຺ຎາຓນ຺ຕິ ວິປຣິຓາມາຣມ຺ມຓໍ ຕຓ຺ຫາທິຏ຺ຐິສຫຄຕໍ ວິຎ຺ຎາຓໍ ຕທນຸວຕ຺ຕິ ຈ. ອນຸປຣິວຕ຺ຕິ ນາມ ຕໍ ອາຣມ຺ມຓໍ ກຕ຺ວາ ປວຕ຺ຕິ. ເຕນາຫ ‘‘ວິປຣິຓາມາຣມ຺ມຓຈິຕ຺ຕໂຕ’’ຕິ. ອກຸສລຘມ຺ມສມຸປ຺ປາທາຕິ ຕຓ຺ຫາຍ ອຎ຺ຎາກຸສລຘມ຺ມສມຸປ຺ປາທາ. ປຣິຍາທິຍິຕ຺ວາຕິ ເຂເປຕ຺ວາ, ຕສ຺ສ ປວຕ຺ຕິຕຸໍ ໂອກາສໍ ອທຕ຺ວາ. ສອຸຕ຺ຕາໂສຕິ ຕຓ຺ຫາທິຏ຺ຐິວເສນ ສອຸຕ຺ຕາໂສ. ຄຓ຺ຫິຕ຺ວາຕິ ຕຓ຺ຫາທິຏ຺ຐິຄ຺ຄາເຫຫິ ຄເຫຕ຺ວາ ເຕສຎ຺ເຈວ ວເສນ ປຣິຕສ຺ສໂກ. ຣູປເຠທານຸປຣິວຕ຺ຕິ ຈິຕ຺ຕໍ ນ ໂຫຕິ. ວຏ຺ຏຕີຕິ ສພ຺ພາກາເຣນ ວຕ຺ຕຸໍ ຍຸຕ຺ຕນ຺ຕິ ອຕ຺ໂຖ.

ອຸປາທາປຣິຕສ຺ສນາສຸຕ຺ຕວຓ຺ຓນາ ນິຏ຺ຐິຕາ.