໓. ເປສລສຸຕ຺ຕວຓ຺ຓນາ

໒໑໑. ເອເຕສນ຺ຕິ ເອເຕສໍ ມຫລ຺ລການໍ. ນ ປາຬິ ອາຄຈ຺ຉຕິ ອປ຺ປຄຸຓຠາວໂຕ. ນ ຈ ປາຬິ ອຸປຏ຺ຐາຕິ, ເອກາຍ ປາຬິຍາ ສຕິ ປາຬິຄຕິຍາ ຕຖາ ຕຖາ ອຸປຏ຺ຐານມ຺ປິ ເນສໍ ນຕ຺ຖີຕິ ວທຕິ. ນ ອຏ຺ຐກຖາຕິ ເອຕ຺ຖາປິ ເອເສວ ນໂຍ. ສິຖິລຘນິຕາທິຕໍຕໍພ຺ຍຎ຺ຊນພຸທ຺ຘິໍ ອຫາເປຕ຺ວາ ອຸຈ຺ຈາຣຓໍ ປທພ຺ຍຎ຺ຊນມຘຸຣຕາ. ອຕິກ຺ກມິຕ຺ວາ ມຎ຺ຎຕິ ອຎ຺ເຎ ຠິກ຺ຂູ. ຫີຬນວເສນ ອຠິຠວິຕ຺ວາ ປຏິຠານສຸເຕນ ອຕ຺ຕານໍ ປສໍສຕິ ສມ຺ຠາເວຕິ. ມານສ຺ສ ປວຕ຺ຕິຕາຍ ສຫຊາຕນິສ຺ສຍາທິປຈ຺ຈຍຘມ຺ມາ ຕໍສຫຠຸຘມ຺ມາ. ມານວເສນ ວິປ຺ປຏິສາຣີ ອຫຸວາ. ມາ ອໂຫສີຕິ ໂຍຊນາ. ວຓ຺ຓຠຓນນ຺ຕິ ປເຣຫິ ກິຣິຍມານໍ ຄຸຓາຠິຕ຺ຖວໍ. ອຂິໂລຕິ ປຎ຺ຈເຈໂຕຂິລຣຫິໂຕ. ນິສ຺ເສສໍ ນວວິຘນ຺ຕິ ນວວິຘມ຺ປິ ມານໍ ກສ຺ສຈິ ເອກເທສສ຺ສປິ ອເສສໂຕ. ວິຊ຺ຊາຍາຕິ ອຄ຺ຄມຄ຺ຄວິຊ຺ຊາຍ. ອຈ຺ຈນ຺ຕເມວ ສມິຕຕາຍ ວູປສມິຕຕາຍ ສມິຕາວີ.

ເປສລສຸຕ຺ຕວຓ຺ຓນາ ນິຏ຺ຐິຕາ.