໘. ມລ຺ລິກາສຸຕ຺ຕວຓ຺ຓນາ

໑໑໙. ‘‘ກສ຺ມາ ປຸຈ຺ຉຕີ’’ຕິ? ປຸຈ຺ຉາກາຣຓໍ ໂຈເທຕ຺ວາ ສມຸທຍໂຕ ປຏ຺ຐາຍ ທສ຺ເສຕຸໍ ‘‘ອຍໍ ກິຣ ມລ຺ລິກາ’’ຕິອາທິ ວຸຕ຺ຕໍ. ມາລາຣາມໍ ຄນ຺ຕ຺ວາຕິ ອຕ຺ຕໂນ ປິຕຸ ມາລາຣາມໍ ຣກ຺ຂຓຕ຺ຖຎ຺ເຈວ ອວເສສປຸປ຺ຜຄ຺ຄຫຓຕ຺ຖຎ຺ຈ ຄນ຺ຕ຺ວາ. ກາສິຄາເມຕິ ກາສິຣຏ຺ຐສ຺ສ ຄາເມ. ໂສ ກິຣ ຄາໂມ ມຫາໂກສລຣາເຊນ ອຕ຺ຕໂນ ຘີຕຸຍາ ປຕິຆຣໍ ຄຈ຺ຉນ຺ຕິຍາ ປຸປ຺ຜມູລຕ຺ຖາຍ ທິນ຺ໂນ, ຕໍນິມິຕ຺ຕໍ. ຠາຄິເນຍ຺ເຍນ ອຊາຕສຕ຺ຕຸນາ. ຕສ຺ສາຕິ ຣຎ຺ໂຎ ປເສນທິສ຺ສ. ສາຕິ ມລ຺ລິກາ. ນິວຕ຺ຕິຕຸນ຺ຕິ ຕສ຺ສາ ຘມ຺ມຕາຍ ນິວຕ຺ຕິຕຸໍ ຕສ຺ສາ ວຈນໍ ປຏິກ຺ຂິປິຕຸໍ. ເນວຊ຺ຌຄາຕິ ວຕ຺ຕມານຕ຺ເຖ ອຕີຕວຈນນ຺ຕິ ອາຫ ‘‘ນາຘິຄຈ຺ຉຕີ’’ຕິ. ປຸຖຸ ອຕ຺ຕາຕິ ເຕສໍ ສຕ຺ຕານໍ ອຕ຺ຕາ.

ມລ຺ລິກາສຸຕ຺ຕວຓ຺ຓນາ ນິຏ຺ຐິຕາ.