໗. ອິສ຺ສຣິຍສຸຕ຺ຕວຓ຺ຓນາ

໗໗. ສຕ຺ຖສ຺ສ ມລນ຺ຕິ ສຕ຺ຖມລໍ, ເຍນ ສຕ຺ຖໍ ມລີນໍ ໂຫຕິ, ສຕ຺ຖມລຄ຺ຄຫເຓນ ເຈຕ຺ຖ ມລີນໍ ສຕ຺ຖເມວ ຄຫິຕນ຺ຕິ ອາຫ ‘‘ມລຄ຺ຄຫິຕສຕ຺ຖ’’ນ຺ຕິ. ອາຓາປວຕ຺ຕນນ຺ຕິ ອປ຺ປເກ ວາ ມຫນ຺ເຕ ວາ ຍຕ຺ຖ ກຕ຺ຖຈິ ອຕ຺ຕໂນ ອາຓາຍ ປວຕ຺ຕນວເສນ ວສນໍ ອິສ຺ສຣິຍຕ຺ຕມິຈ຺ຉນ຺ຕິ. ມຓິຣຕນມ຺ປິ ວິສ຺ສຊ຺ຊນີຍປກ຺ຂິກຕ຺ຕາ ອຸຕ຺ຕມໍ ຠຓ຺ຑໍ ນາມ ນ ໂຫຕິ, ອິຕ຺ຖີ ປນ ປຣິຈ຺ຈຕ຺ຕກຸລາຈາຣິຕ຺ຖິກາຍປິ ອນິສ຺ສຊ຺ຊນີຍຕາຍ ອຸຕ຺ຕມຠຓ຺ຑໍ ນາມ. ເຕນາຫ ‘‘ອິຕ຺ຖີ ຠຓ຺ຑານມຸຕ຺ຕມ’’ນ຺ຕິ. ເຕສໍ ເຕສຎ຺ຫິ ປຸຣິສາຊານີຍານໍ ອຸປ຺ປຕ຺ຕິຏ຺ຐານຕາຍ ອຸຕ຺ຕມຣຕນາກຣຕ຺ຕາ ອິຕ຺ຖີ ຠຓ຺ຑານມຸຕ຺ຕມໍ. ມລຄ຺ຄຫິຕສຕ຺ຖສທິໂສ ອວໂພຘກິຈ຺ຈວິພນ຺ຘນໂຕ. ສຕ຺ຖມລໍ ວິຍ ສຕ຺ຖສ຺ສ ປຎ຺ຎາສຕ຺ຖສ຺ສ ຄຸຓາຠາວກຣຓໂຕ ປຎ຺ຎາສຕ຺ຖມລໍ. ອພ຺ພຸ ວຸຈ຺ຈຕິ ອຸປທ຺ທວໍ, ຕໍ ເທຕີຕິ ອພ຺ພຸທໍ, ວິນາສກາຣຓໍ. ນນຸ ຫຣຓໍ ສມຓສ຺ສ ອຍຸຕ຺ຕນ຺ຕິ? ຍຸຕ຺ຕໍ. ຕສ຺ສ ອນ຺ວຍໂຕ ພ຺ຍຕິເຣກໂຕ ຈ ຍຸຕ຺ຕຕໍ ທສ຺ເສນ຺ໂຕ ‘‘ສລາກຠຕ຺ຕາທີນີ’’ຕິອາທິມາຫ.

ອິສ຺ສຣິຍສຸຕ຺ຕວຓ຺ຓນາ ນິຏ຺ຐິຕາ.