໒໓. ອຸປສມ຺ປາເທຕພ຺ພປຎ຺ຈກກຖາ

໘໔. ອິທານິ =໐໑ ຍໍ ລກ຺ຂຓໍ ວຸຕ຺ຕນ຺ຕິ ສມ຺ພນ຺ໂຘ. ສງ຺ເຂປໂຕຕິ ອງ຺ຄານິ ອນຸທ຺ຘຣິຕ຺ວາ ສມາສໂຕ. ຕຕ຺ຖາຕິ ຍໍ ‘‘ປຎ຺ຈຫິ ຠິກ຺ຂເວ ອງ຺ເຄຫິ ສມນ຺ນາຄເຕນ ຠິກ຺ຂຸນາ’’ຕິອາທິມາຫ, ຕຕ຺ຖ. ອຄຸຓງ຺ເຄຫີຕິ ຄຸຓວິຣຫິເຕຫິ ອງ຺ເຄຫິ. ໂສຕິ ຠິກ຺ຂຸ. ນ ອຸປສມ຺ປາເທຕພ຺ພນ຺ຕິ ເອຕ຺ຖ ກມ຺ມວາຈາຈຣິເຍນ ຫຸຕ຺ວາ ນ ອຸປສມ຺ປາເທຕພ຺ພນ຺ຕິ ອາສງ຺ກາ ຠເວຍ຺ຍາຕິ ອາຫ ‘‘ອຸປຊ຺ຌາເຍນ ຫຸຕ຺ວາ ນ ອຸປສມ຺ປາເທຕພ຺ພ’’ນ຺ຕິ. ເອຕ຺ຖາຕິ ເອເຕສຸ ປຎ຺ຈເກສຸ. ອາທີສູຕິ ເອຕ຺ຖ ປຸພ຺ໂພ ນິທສ຺ສນຕ຺ໂຖ ອິຕິສທ຺ໂທ ໂລໂປ ໂຫຕິ. ອິຕິອາທີສູຕິ ຫິ ອຕ຺ໂຖ. ອຍຸຕ຺ຕວເສນາຕິ ອນນຸຣູປວເສນ. ໂຍຕິ ຠິກ຺ຂຸ. ຫີຕິ ສຈ຺ຈໍ, ຍສ຺ມາ ວາ. ປເຣ ຈ ສມາທເປຕຸນ຺ຕິ ສມ຺ພນ຺ໂຘ. ຕຕ຺ຖາຕິ ສີລກ຺ຂນ຺ຘາທິເກ. ປຣິຫຣຕີຕິ ປຣິສໍ ປຣິສ຺ສຍໂຕ ຫຣຕິ ອປເນຕິ. ຕສ຺ສາຕິ ຠິກ຺ຂຸໂນ. ‘‘ສີລາທີຫີ’’ຕິປທໍ ‘‘ປຣິຫາຍຕິເຍວາ’’ຕິປເທ ອປາທານໍ, ‘‘ນ ວຑ຺ຒຕີ’’ຕິປເທ ກຣຓໍ. ຕສ຺ມາຕິອາທິ ລທ຺ຘຄຸຓໍ. ເຕນາຕິ ຠິກ຺ຂຸນາ. ກສ຺ມາ ອາປຕ຺ຕິອງ຺ຄວເສນ ນ ວຸຕ຺ຕນ຺ຕິ ອາຫ ‘‘ນ ຫີ’’ຕິອາທິ. ຫີຕິ ຍສ຺ມາ. ຕສ຺ເສວາຕິ ຂີຓາສວສ຺ເສວ. ນ ວເທຍ຺ຍາຕິ ຂີຓາສວານໍ ອນຠິຣຕິຍາ ອນຸປ຺ປນ຺ນຕ຺ຕາ ນ ວເທຍ຺ຍ. ຍທິ ນ ຂີຓາສວສ຺ເສວ ອຸປຊ຺ຌາຍາຈຣິຍຠາໂວ ອນຸຎ຺ຎາໂຕ, ອຖ ກສ຺ມາ ຂີຓາສວປຎ຺ຈໂກ ວຸຕ຺ໂຕຕິ ອາຫ ‘‘ຍສ຺ມາ ປນາ’’ຕິອາທິ. ຍສ຺ມາ ນ ປຣິຫາຍຕີຕິ ສມ຺ພນ຺ໂຘ.

ອນ຺ຕຄ຺ຄາຫິກາຍາຕິ ສສ຺ສຕຸຈ຺ເຉທສງ຺ຂາຕໍ ອນ຺ຕໍ ລາມກໍ ຄຓ຺ຫາຕິ, ຄຓ຺ຫາເປຕີຕິ ວາ ອນ຺ຕຄ຺ຄາຫິກາ, ຕາຍ. ທິຏ຺ຐິຍາຕິ ມິຈ຺ຉາທິຏ຺ຐິຍາ. ຍຕ຺ຕກໍ ສຸຕນ຺ຕິ ຠິກ຺ຂຸໂນວາທກສິກ຺ຂາປເທ (ປາຈິ. ອຏ຺ຐ. ໑໔໕-໑໔໗) ວຸຕ຺ຕໍ ຍຕ຺ຕກໍ ສຸຕໍ. ເຕນາຕິ ສຸເຕນ ऋ. ຍໍ ອາປຕ຺ຕາທິ ເຕນ ຊານິຕພ຺ພນ຺ຕິ ໂຍຊນາ.

ອາປຕ຺ຕິໍ ນ ຊານາຕີຕິ ເອຕ຺ຖ ອາປຕ຺ຕິໍ ອາປນ຺ໂນຕິ ນ ຊານາຕີຕິ ອຕ຺ຖໍ ທສ຺ເສນ຺ໂຕ ອາຫ ‘‘ອິທໍ ນາມາ’’ຕິອາທິ. ຕຕ຺ຖ ‘‘ອາປນ຺ໂນ’’ຕິ ອິມິນາ ‘‘ອາປຕ຺ຕິ’’ນ຺ຕິປທໍ ‘‘ອາປນ຺ໂນ’’ຕິປາຐເສເສນ ໂຍເຊຕພ຺ພນ຺ຕິ ທສ຺ເສຕິ.

ອາຠິສມາຈາຣິກາຍາຕິ ເອຕ຺ຖ ອຸຠໂຕວິຠງ຺ຄປຣິຍາປນ຺ນສີລໂຕ ອຠິວິເສເສນ ສມ຺ມາ ຈຣິຕພ຺ພນ຺ຕິ ອາຠິສມາຈາຣໍ, ຂນ຺ຘກປຣິຍາປນ຺ນໍ ວຕ຺ຕປຏິປຕ຺ຕິສີລໍ, ຕໍ ອາຣພ຺ຠ ປຎ຺ຎຕ຺ຕາ ອາຠິສມາຈາຣິກາ, ຂນ຺ຘກປຣິຍາປນ຺ນາ ສິກ຺ຂາ, ຕາຍ. ອາທິພ຺ຣຫ຺ມຈາຣິຍກາຍາຕິ ເອຕ຺ຖ ມຄ຺ຄສງ຺ຂາຕສ຺ສ ພ຺ຣຫ຺ມຈຣິຍສ຺ສ ອາທິ ມຣິຍາໂທ ອາທິພ຺ຣຫ຺ມຈຣິໂຍ, ຕສ຺ມິໍ ປວຕ຺ຕາ ອາທິພ຺ຣຫ຺ມຈຣິຍກາ =໐໒, ອຸຠໂຕວິຠງ຺ຄປຣິຍາປນ຺ນາ ສິກ຺ຂາ, ຕາຍ. ເສກ຺ຂປຓ຺ຓຕ຺ຕິຍນ຺ຕິ ສິກ຺ຂິຕພ຺ພຏ຺ເຐນ ສິກ຺ຂາ, ສາ ເອວ ຠຄວຕາ ປຎ຺ຎຕ຺ຕຕ຺ຕາ ເສກ຺ຂປຓ຺ຓຕ຺ຕິ. ອຖ ວາ ສິກ຺ຂນໍ ສິກ຺ຂາ, ຕາຍ ສິກ຺ຂນຕ຺ຖາຍ ຠຄວຕາ ປຎ຺ຎປີຍຕີຕິ ເສກ຺ຂປຓ຺ຓຕ຺ຕິ ອຸຠໂຕວິຠງ຺ຄປຣິຍາປນ຺ນສິກ຺ຂາເຍວ, ຕສ຺ສໍ. ອຠິຘມ຺ເມຕິ ເອຕ຺ຖ ສຸຕ຺ຕນ຺ຕປາຬິໂຕ ອຠິ ອຕິເຣໂກ, ອຠິວິສິຏ຺ໂຐ ວາ ຘມ຺ໂມ ອຠິຘມ຺ໂມຕິ ວຸຕ຺ເຕ ນາມຣູປປຣິຈ຺ເຉທກໍ ອຠິຘມ຺ມປິຏກນ຺ຕິ ອາຫ ‘‘ນາມຣູປປຣິຈ຺ເຉເທ’’ຕິ. ອຠິວິນເຍຕິ ເອຕ຺ຖ ອຠິຠວິຕ຺ວາ ກາຍວາຈໍ ວິເນຕີຕິ ອຠິວິນໂຍ, ອຠິຠວິຕ຺ວາ ກາຍວາຈໍ ວິເນຕິ ເອຕ຺ຖ, ເອເຕນາຕິ ວາ ອຠິວິນໂຍຕິ ວຸຕ຺ເຕ ວິນຍປິຏກນ຺ຕິ ອາຫ ‘‘ສກເລ ວິນຍປິຏເກ’’ຕິ. ສພ຺ພຕ຺ຖາຕິ ສພ຺ເພສຸ ປເທສຸ, ສພ຺ເພສໍ ວາ ປທານໍ. ອຕ຺ໂຖ ທຏ຺ຐພ຺ໂພຕິ ໂຍຊນາ. ‘‘ກາຣເຓນາ’’ຕິ ເອຕ຺ຖ ກາຣຓສທ຺ເທນ ‘‘ຘມ຺ມໂຕ’’ຕິ ເອຕ຺ຖ ຘມ຺ມສທ຺ທສ຺ສ ສຠາວຕ຺ຖາທໂຍ ນິວາເຣຕ຺ວາ ກາຣຓຕ຺ຖຕໍ ທີເປຕິ, ເອນສທ຺ເທນ ໂຕປຈ຺ຈຍສ຺ສ ວິເສສນຕ຺ຖໍ. ອິຕີຕິ ເອວໍ ຍຖາວຸຕ຺ຕນເຍນາຕິ ອຕ຺ໂຖ. ຈຕຸຕ຺ເຖຕິ ຈຕຸຕ຺ຖປຎ຺ຈເກ. ຈຕຸຕ຺ຖປຎ຺ຈກໂຕ ຕີຓິ ປທານິ, ປຎ຺ຈມປຎ຺ຈກໂຕ ທ຺ເວ ປທານິ ຄເຫຕ຺ວາ ປຎ຺ຈກໍ ກຕ຺ວາ ວຸຕ຺ຕໍ ‘‘ຈຕ຺ຕາໂຣ ປຎ຺ຈກາ’’ຕິ. ອຏ຺ຐສຸ ປຎ຺ຈເກສູຕິ ສມ຺ພນ຺ໂຘ.

ອິຕິ ໂສຬສປຎ຺ຈກວິນິຈ຺ຉເຍ ໂຍຊນາ ສມຕ຺ຕາ.