໑໓. ເຕຣສມສິກ຺ຂາປທໍ

໑໒໒໖. ເຕຣສເມ ອຸປຈາເຣປີຕິ ອປຣິກ຺ຂິຕ຺ຕສ຺ສ ຄາມສ຺ສ ປຣິກ຺ເຂປາຣຫຏ຺ຐານສງ຺ຂາເຕ ອຸປຈາເຣປິ.

໑໒໒໗. ‘‘ອຈ຺ຉິນ຺ນຈີວຣິກາຍາ’’ຕິ ສາມຎ຺ຎໂຕ ວຸຕ຺ເຕປິ ວິເສໂສເຍວາຘິປ຺ເປໂຕຕິ ອາຫ ‘‘ສງ຺ກຈ຺ຈິກຈີວຣເມວາ’’ຕິ. ສມນ຺ຕໂຕ ປຸຣິສານໍ ທສ຺ສນໍ ກນ຺ຕີຍຕິ ຉິນ຺ທີຍຕິ ເອຕ຺ຖາຕິ ສງ຺ກຈ຺ຈິ, ອຘກ຺ຂກອຸພ຺ຠນາຠິຏ຺ຐານໍ, ສງ຺ກຈ຺ເຈ ນິວສິຕພ຺ພນ຺ຕິ ສໍກຈ຺ຈິກໍ, ຕເມວ ຈີວຣນ຺ຕິ ສງ຺ກຈ຺ຈິກຈີວຣນ຺ຕິ. ເຕຣສມໍ.

ຉຕ຺ຕຸປາຫນວຄ຺ໂຄ ນວໂມ.

ສພ຺ພາເນວ ສິກ຺ຂາປທານີຕິ ສມ຺ພນ຺ໂຘ. ຕໂຕຕິ ເຕຫິ ອຏ຺ຐາສີຕິສຕສິກ຺ຂາປເທຫິ, ອປເນຕ຺ວາຕິ ສມ຺ພນ຺ໂຘ.

ຕຕ຺ຣາຕິ ເຕສຸ ຂຸທ຺ທເກສຸ. ເອຕ຺ຖາຕິ ທສສຸ ສິກ຺ຂາປເທສູຕິ.

ຠິກ຺ຂຸນິວິຠງ຺ເຄ ຂຸທ຺ທກວຓ຺ຓນາຍ

ໂຍຊນາ ສມຕ຺ຕາ.