໖. ເຖຍ຺ຍສຕ຺ຖສິກ຺ຂາປທໍ

໔໐໗. ຉຏ຺ເຐ ‘‘ປຏິຍາໂລກ’’ນ຺ຕິ ເອຕ຺ຖ ອາໂລກສທ຺ເທນ ສູຣິໂຍ ວຸຕ຺ໂຕ ອຸປຈາເຣນ. ສູຣິໂຍ ຫິ ປຸຣຕ຺ຖິມທິສໂຕ ອຸຄ຺ຄນ຺ຕ຺ວາ ປຈ຺ຉິມທິສໍ ຄໂຕ, ຕສ຺ມາ ສູຣິຍສງ຺ຂາຕສ຺ສ ອາໂລກສ຺ສ ປຏິມຸຂໍ ‘‘ປຏິຍາໂລກ’’ນ຺ຕິ ວຸຕ຺ເຕ ປຈ຺ຉິມທິສາເຍວ ຄເຫຕພ຺ພາຕິ ອາຫ ‘‘ປຈ຺ຉິມໍ ທິສນ຺ຕິ ອຕ຺ໂຖ’’ຕິ. ກມ຺ມິກາຕິ ກມ຺ເມ ຍຸຕ຺ຕາ ປຍຸຕ຺ຕາ.

໔໐໙. ຣາຊານນ຺ຕິ ເອຕ຺ຖ ຣຎ຺ໂຎ ສນ຺ຕກໍ ‘‘ຣາຊາ’’ຕິ ວຸຈ຺ຈຕິ ອຸປຈາເຣນ, ອຖ ວາ ຣຎ຺ໂຎ ເອໂສ ‘‘ຣາຊາ’’ຕິ ກຕ຺ວາ ຣຎ຺ໂຎ ສນ຺ຕກໍ ‘‘ຣາຊາ’’ຕິ ວຸຈ຺ຈຕິ. ເຖຍ຺ຍນ຺ຕິ ເຖເນຕ຺ວາ ‘‘ສກ຺ກຈ຺ຈ’’ນ຺ຕິອາທີສຸ (ປາຈິ. ໖໐໖) ວິຍ ນິຄ຺ຄຫີຕາຄໂມ ໂຫຕິ. ຣາຊານໍ, ຣຎ຺ໂຎ ສນ຺ຕກໍ ວາ ເຖຍ຺ຍໍ ເຖເນຕ຺ວາ ຄຈ຺ຉນ຺ຕີຕິ ອຕ຺ໂຖ. ອິຕິ ອິມມຕ຺ຖໍ ທສ຺ເສນ຺ໂຕ ອາຫ ‘‘ຣາຊານໍ ວາ ເຖເນຕ຺ວາ’’ຕິອາທິ.

໔໑໑. ຈຕູສຸ ວິສງ຺ເກເຕສຸ ທ຺ວີຫິ ອນາປຕ຺ຕິ, ທ຺ວີຫິ ອາປຕ຺ຕິເຍວາຕິ. ຉຏ຺ຐໍ.