໕. ກພຬວຄ຺ຄ-ອຕ຺ຖໂຍຊນາ

໖໑໗. ‘‘ມຸຂທ຺ວາຣ’’ນ຺ຕິ ກມ຺ມສ຺ສ ‘‘ອນາຫເຏ’’ຕິ ຈ ‘‘ວິວຣິສ຺ສາມີ’’ຕິ ຈ ທ຺ວີສຸ ກິຣິຍາສຸ ສມ຺ພນ຺ຘຠາວໍ ທສ຺ເສຕຸໍ ວຸຕ຺ຕໍ ‘‘ອນາຫຣິເຕ ມຸຂທ຺ວາຣ’’ນ຺ຕິ.

໖໑໘. ສກລໍ ຫຕ຺ຖນ຺ຕິ ປຎ຺ຈງ຺ຄຸລິໍ ສນ຺ຘາຍ ວຸຕ຺ຕໍ.

໖໑໙. ສກພເຬນາຕິ ເອຕ຺ຖ ກພຬສທ຺ເທນ ວຈນສ຺ສ ອປຣິປຸຓ຺ຓກາຣຓໍ ສພ຺ພມ຺ປິ ຄເຫຕພ຺ພໍ.

໖໒໐. ປິຓ຺ຑຸກ຺ເຂປກນ຺ຕິອາທີສຸ ວິຈ຺ຉຕ຺ເຖ ກປຈ຺ຈໂຍຕິ ອາຫ ‘‘ປິຓ຺ຑໍ ອຸກ຺ຂິປິຕ຺ວາ ອຸກ຺ຂິປິຕ຺ວາ’’ຕິ. ຕ຺ວາສທ຺ເທນ ກິຣິຍາວິເສສນຠາວໍ ທສ຺ເສຕິ.

໖໒໔. ‘‘ອວກິຣິຕ຺ວາ’’ຕິ ອິມິນາ ສິຕ຺ຖາວກາຣກນ຺ຕິ ເອຕ຺ຖ ອວປຸພ຺ໂພ ກິຣຘາຕຸເຍວ, ນ ກຣຘາຕູຕິ ທສ຺ເສຕິ.

໖໒໖. ‘‘ຈປຸຈປູ’’ຕິ ເອວໍ ສທ຺ທນ຺ຕິ ‘‘ຈປຸຈປູ’’ຕິ ເອວໍ ອນຸກຣຓຣວນ຺ຕິ. ປຎ຺ຈໂມ ວຄ຺ໂຄ.