໒໖. ສມານາສນິກນິທ຺ເທສວຓ຺ຓນາ

໑໙໕. ຕິວສ຺ສນ຺ຕຣເມກມາສນໍ ຠິກ຺ຂູນໍ ອນຸຎ຺ຎາຕນ຺ຕິ ສມ຺ພນ຺ໂຘ. ຕຕ຺ຖ ເອກສ຺ມິໍ ອາສເນ ມຎ຺ຈາທິເກ ທ຺ວິນ຺ນໍ ອາສນໍ ນິສີທນໍ ເອກມາສນໍ. ມ-ກາໂຣ ສນ຺ຘິໂຊ. ກີທິສນ຺ຕິ ອາຫ ‘‘ຕິວສ຺ສນ຺ຕຣ’’ນ຺ຕິ. ຕິຓ຺ຓໍ ວສ຺ສານມນ຺ຕຣເມຕສ຺ສາຕິ ຕິວສ຺ສນ຺ຕໂຣ, ທ຺ວີຫິ ວສ຺ເສຫິ ມຫນ຺ຕຕໂຣ ວາ ທຫຣຕໂຣ ວາ ຠິກ຺ຂຸ, ໂສ ອສ຺ສ ອຕ຺ຖີຕິ ຕິວສ຺ສນ຺ຕຣໍ, ຕິວສ຺ສນ຺ຕຣວນ຺ຕນ຺ຕິ ອຕ຺ໂຖ. ໂຍ ປນ ເອເກນ ວສ຺ເສນ ມຫນ຺ຕຕໂຣ ວາ ທຫຣຕໂຣ ວາ ເອກວສ຺ໂສເຍວ ວາ, ຕພ຺ພນ຺ຕຕາຍ ວຕ຺ຕພ຺ພເມວ ນຕ຺ຖິ. ອຖ ວາ ຕິວສ຺ສນ຺ຕຣນ຺ຕິ ກຣຓຕ຺ເຖ ອຸປໂຍຄວຈນໍ, ຕິວສ຺ສນ຺ຕເຣນ ສທ຺ຘິນ຺ຕິ ອຕ຺ໂຖ. ຕເມວ ສມຕ຺ເຖຕິ ‘‘ສຕ຺ຕວສ຺ເສ’’ຈ຺ຈາທິນາ.

໑໙໖. ມຸນິ ອນຸຎ຺ຎາສີຕິ ສມ຺ພນ຺ໂຘ. ສພ຺ເພເຫວາຕິ ສມານາສນິກອສມານາສນິເກຫິ ສພ຺ເພເຫວ ສທ຺ຘິໍ.

໑໙໗. ທີຆາສນໍ ທສ຺ເສຕິ ‘‘ອນ຺ຕ’’ນ຺ຕິອາທິນາ. ຍໍ ຕິຓ຺ຓໍ ນິສີທິຕຸໍ ປໂຫຕິ, ຕໍ ອນ຺ຕໍ ທີຆາສນນ຺ຕິ ສມ຺ພນ຺ໂຘ. ອນ຺ຕນ຺ຕິ ປຈ຺ຉິມໍ. ອທີຆາສເນ ປນ ສມານາສນິກາ ນິສີທິຕຸໍ ລພ຺ຠນ຺ຕີຕິ ທສ຺ເສນ຺ໂຕ ‘‘ມຎ຺ຈເກ’’ຕິອາທິມາຫ. ສພ຺ພຕ຺ຖ ອຍຖາກຣຓໂຕ ທຸກ຺ກຏນ຺ຕິ.

ສມານາສນິກນິທ຺ເທສວຓ຺ຓນາ ນິຏ຺ຐິຕາ.