໒໓. ອໂນໂລກິຍນິທ຺ເທສວຓ຺ຓນາ

໑໘໑. ສາຣຕ຺ໂຕຕິ ສໍຣຕ຺ໂຕ, ສຎ຺ຊາຕຣາຄຈິຕ຺ໂຕຕິ ອຕ຺ໂຖ. ອິຕ຺ຖິຍາຕິ ຕທຫຸຊາຕາຍປິ ປຏສຕນິວຕ຺ຖາຍ ອໂນກາສຸປນິຊ຺ຌາຍເນ ອນ຺ຕມໂສ ຕິຣຈ຺ຉານຄຕານມ຺ປິ ທຸກ຺ກຏເມວ. ຠິກ຺ຂາທາຍິຍາຕິ ອຸປລກ຺ຂຓມຕ຺ຕໍ, ອິຕ຺ຖີ ວາ ໂຫຕຸ ປຸຣິໂສ ວາ, ຠິກ຺ຂາທານສມເຍ ອສາຣຕ຺ເຕນາປິ ມຸຂໍ ນ ອຸລ຺ໂລເກຕພ຺ພໍ. ອຸຊ຺ຌານໍ ລາມກໂຕ ສໍຈິນ຺ຕນໍ, ໂກໂປ, ຕຕ຺ຖ ສຎ຺ຎາ ອສ຺ສາຕິ ອຸຊ຺ຌານສຎ຺ຎີ. ອິຘ ປນ ຄິລາໂນປິ ນ ມຸຈ຺ຈຕິ. ອາທາເສ ອຸທກປຕ຺ເຕຕິ ອິມິນາ ເສເສສຸ ກໍສປຕ຺ຕາທີສຸ ກຎ຺ຊິຍາທີສຸ ຈ ມຸຂນິມິຕ຺ຕໍ ປຎ຺ຎາຍຕິ, ເຕສໍ ສງ຺ຄໂຫ. ‘‘ສຎ຺ຉວິ ນຸ ໂຂ ເມ ວຓ຺ໂຓ, ໂນ, ຊິຓ຺ໂຓ ນຸ ໂຂມ຺ຫິ, ໂນ’’ຕິ ປນ ໂອໂລເກຕຸໍ ວຏ຺ຏຕິ. ອສ຺ສາຕິ ຠິກ຺ຂຸໂນ.

ອໂນໂລກິຍນິທ຺ເທສວຓ຺ຓນາ ນິຏ຺ຐິຕາ.