໑໘. ນຄ຺ຄນິທ຺ເທສວຓ຺ຓນາ

໑໖໖. ‘‘ນ ຕ຺ເວວ ນຄ຺ເຄນ ອາຄນ຺ຕພ຺ພໍ, ໂຍ ອາຄຈ຺ເຉຍ຺ຍ, ອາປຕ຺ຕິ ທຸກ຺ກຏສ຺ສາ’’ຕິ (ປາຣາ. ໕໑໗) ວຸຕ຺ຕຕ຺ຕາ (ຈູຬວ. ໒໖໑;) ‘‘ນຄ຺ໂຄ ມຄ຺ຄໍ ນ ວເຊ’’ຕິ ວຸຕ຺ຕໍ.

໑໖໗. ປຏິຈ຺ຉາທິສູຕິ ‘‘ເຕນ ໂຂ ປນ ສມເຍນ ຠິກ຺ຂູ ຊນ຺ຕາຆເຣປິ ອຸທເກປິ ປຣິກມ຺ມໍ ກາຕຸໍ ກຸກ຺ກຸຈ຺ຈາຍນ຺ຕິ. ອນຸຊານາມິ, ຠິກ຺ຂເວ, ຕິສ຺ໂສ ປຏິຈ຺ຉາທິໂຍ ຊນ຺ຕາຆຣປ຺ປຏິຈ຺ຉາທິໍ ອຸທກປ຺ປຏິຈ຺ຉາທິໍ ວຕ຺ຖປ຺ປຏິຈ຺ຉາທິ’’ນ຺ຕິ ເອວໍ ວຸຕ຺ຕາສຸ ຕີສຸ ປຏິຈ຺ຉາທີສູຕິ ອຕ຺ໂຖ. ທຸເວຕິ ເອຕາສຸ ຕີສຸ ປຏິຈ຺ຉາທີສຸ ອຸທກຊນ຺ຕາຆຣປ຺ປຏິຈ຺ຉາທິໂຍ ປຣິກມ຺ເມ ກປ຺ປນ຺ຕີຕິ ອຘິປ຺ປາໂຍ. ວຕ຺ຖຈ຺ຉາທີຕິ ວຕ຺ຖປ຺ປຏິຈ຺ຉາທິ. ສພ຺ພຕ຺ຖາຕິ ຂາທນີຍສາຍນີຍາທີສຸ ສພ຺ພກມ຺ເມສຸ ກປ຺ປິຍາຕິ ອຕ຺ໂຖ. ນຄ຺ຄວິນິຈ຺ຉໂຍ.

ນຄ຺ຄນິທ຺ເທສວຓ຺ຓນາ ນິຏ຺ຐິຕາ.