ຊາຕິຊຣາມຣຓາທິປທນິທ຺ເທສວຓ຺ຓນາ

໒໓໕. ອຸປປຕ຺ຕິຠວຸປ຺ປຕ຺ຕິເຍວ ຊາຕີຕິ ອາຫ ‘‘ນ ອຸປປຕ຺ຕິຠໂວ’’ຕິ. ຊາຍມານສ຺ສ ປນ ຊາຕິ ຊາຕີຕິ ອຸປປຕ຺ຕິຠໂວປິ ອສຕິ ອຠາວາ ຊາຕິຍາ ປຈ຺ຈໂຍຕິ ສກ຺ກາ ວຕ຺ຕຸໍ. ຊາຍມານຣູປປທຏ຺ຐານຕາປິ ຫິ ຣູປຊາຕິຍາ ວຸຕ຺ຕາ ‘‘ອຸປຈິຕຣູປປທຏ຺ຐາໂນ (ຘ. ສ. ອຏ຺ຐ. ໖໔໑) ອຸປຈໂຍ, ອນຸປ຺ປພນ຺ຘຣູປປທຏ຺ຐານາ ສນ຺ຕຕີ’’ຕິ.

ຂນ຺ຘານໍ ຊາຕານໍ ອຸຎ຺ຎາຕຕານຸຎ຺ຎາຕຕາຈ ຫີນປຓີຕຕາ. ອາທິ-ສທ຺ເທນ ສຸວຓ຺ຓທຸພ຺ພຓ຺ຓາທິວິເສສໍ ສງ຺ຄຓ຺ຫາຕິ. ອຊ຺ຌຕ຺ຕສນ຺ຕານຄຕໂຕ ອຎ຺ຎສ຺ສ ວິເສສກາຣກສ຺ສ ກາຣຓສ຺ສ ອຠາວາ ‘‘ອຊ຺ຌຕ຺ຕສນ຺ຕາເນ’’ຕິ ອາຫ.

ເຕນ ເຕນາຕິ ຎາຕິພ຺ຍສນາທິນາ ຊຣາມຣຓໂຕ ອຎ຺ເຎນ ທຸກ຺ຂຘມ຺ເມນ. ອຸປນິສ຺ສຍໂກຏິຍາຕິ ອຸປນິສ຺ສຍໍເສນ, ອຸປນິສ຺ສຍເລເສນາຕິ ອຕ຺ໂຖ. ໂຍ ຫິ ປຏ຺ຐາເນ ອນາຄໂຕ ສຕິ ຠາວາ ອສຕິ ຈ ອຠາວາ ສຸຕ຺ຕນ຺ຕິກປຣິຍາເຍນ ອຸປນິສ຺ສໂຍ, ໂສ ‘‘ອຸປນິສ຺ສຍໂກຏີ’’ຕິ ວຸຈ຺ຈຕິ.

ຊາຕິຊຣາມຣຓາທິປທນິທ຺ເທສວຓ຺ຓນາ ນິຏ຺ຐິຕາ.