໙. ນວກນິທ຺ເທສວຓ຺ຓນາ

໙໖໐-໙໖໓. ທສມສ຺ສາຕິ ອຏ຺ຐານຆາຕສ຺ສ.

ອຊ຺ຌຕ຺ຕນ຺ຕິ ໂຄຈຣຊ຺ຌຕ຺ຕໍ ອຘິປ຺ເປຕໍ. ເອຕສ຺ສ ຄາຖາວຈນສ຺ສ. ນິຏ຺ຐເປຕ຺ວາຕິ ອຠິນິວິສ຺ສ.

໙໖໔. ອຎ຺ເຎສໍ ຜສ຺ສາທີນໍ ສງ຺ຂຕຠາເວ ຍຖາສກໍປຈ຺ຈເຍຫິ. ເຍນາກາເຣນ ມານສ຺ສ ສາຕິສຍາ ປວຕ຺ຕິ, ຕໍ ທສ຺ເສຕຸໍ ‘‘ອຫນ຺ຕິ, ອສ຺ມີຕິ ຈາ’’ຕິ ວຸຕ຺ຕໍ. ອຕ຺ຕໂນຕິ ທິຏ຺ຐິຄຕປຣິກປ຺ປິຕສ຺ສ ອຕ຺ຕໂນ. ຍຖາ ມານສ຺ສ ສມ຺ປຄ຺ຄຫວເສນ, ເອວໍ ຕຓ຺ຫາຍ ມມຕ຺ຕວເສນ, ທິຏ຺ຐິຍາ ນິຈ຺ຈາທິວເສນ ປວຕ຺ຕິ ວິເສສວຕີ ສມາເນປິ ອນາຄຕກາລາມສເນຕິ ອາຫ ‘‘ຠວິສ຺ສນ຺ຕີ…ເປ… ວຸຕ຺ໂຕ’’ຕິ. ‘‘ອຫມສ຺ມີ’’ຕິ ປນ ປວຕ຺ຕມານສ຺ເສວ ຠວຕີຕິ ສພ຺ພປທສາຘາຣຓສ຺ສ ມານສ຺ເສວ ວເສນ ອິຎ຺ຊິຕາທິຕາ ອຏ຺ຐກຖາຍໍ ວຸຕ຺ຕາ.

ນວກນິທ຺ເທສວຓ຺ຓນາ ນິຏ຺ຐິຕາ.