໙. ນນ຺ທສຸຕ຺ຕວຓ຺ຓນາ

໙. ນວເມ ທຸວິຘາ ກຸລປຸຕ຺ຕາ ຊາຕິກຸລປຸຕ຺ຕາ ອາຈາຣກຸລປຸຕ຺ຕາ ຈ. ຕຕ຺ຖ ‘‘ເຕນ ໂຂ ປນ ສມເຍນ ຣຏ຺ຐປາໂລ ກຸລປຸຕ຺ໂຕ ຕສ຺ມິໍເຍວ ຖຸລ຺ລໂກຏ຺ຐິເກ ອຄ຺ຄກຸລິກສ຺ສ ປຸຕ຺ໂຕ’’ຕິ (ມ. ນິ. ໒.໒໙໔) ເອວໍ ອາຄຕາ ອຸຈ຺ຈາກຸລປຸຕ຺ຕາ ຊາຕິກຸລປຸຕ຺ຕາ. ‘‘ສທ຺ຘາເຍເຕ ກຸລປຸຕ຺ຕາ ອຄາຣສ຺ມາ ອນຄາຣິຍໍ ປພ຺ພຊິຕາ’’ຕິ (ມ. ນິ. ໓.໗໘) ເອວໍ ອາຄຕາ ປນ ຍຕ຺ຖ ກຕ຺ຖຈິ ກຸເລ ປສຸຕາປິ ອາຈາຣກຸລປຸຕ຺ຕາ ນາມ. ອິຘ ປນ ອຸຈ຺ຈາກຸລປ຺ປສຸຕຕໍ ສນ຺ຘາຍ ‘‘ກຸລປຸຕ຺ໂຕຕິ, ຠິກ຺ຂເວ, ນນ຺ທໍ ສມ຺ມາ ວທມາໂນ ວເທຍ຺ຍາ’’ຕິ ຠຄວຕາ ວຸຕ຺ຕນ຺ຕິ ອາຫ ‘‘ຊາຕິກຸລປຸຕ຺ໂຕ’’ຕິ. ອຸໂຠຫິປິ ປນ ກາຣເຓຫິ ຕສ຺ສ ກຸລປຸຕ຺ຕຠາໂວເຍວ. ເສສເມຕ຺ຖ ອຸຕ຺ຕານເມວ.

ນນ຺ທສຸຕ຺ຕວຓ຺ຓນາ ນິຏ຺ຐິຕາ.