໒-໔. ປຎ຺ຎາສຸຕ຺ຕາທິວຓ຺ຓນາ

໒-໔. ທຸຕິເຍ ອາທິພ຺ຣຫ຺ມຈຣິຍິກາຍາຕິ ອາທິພ຺ຣຫ຺ມຈຣິຍເມວ ອາທິພ຺ຣຫ຺ມຈຣິຍິກາ. ເຕນາຫ ‘‘ມຄ຺ຄພ຺ຣຫ຺ມຈຣິຍສ຺ສ ອາທິຠູຕາຍາ’’ຕິ. ອຣິໂຍຕິ ນິທ຺ໂທໂສ ປຣິສຸທ຺ໂຘ. ຕຸຓ຺ຫີຠາໂວ ນ ຕິຕ຺ຖິຍານໍ ມູຄພ຺ພຕຄຫຓໍ ວິຍ ອປຣິສຸທ຺ໂຘຕິ ອຣິໂຍ ຕຸຓ຺ຫີຠາໂວ. ຈຕຸຕ຺ຖຊ຺ຌານນ຺ຕິ ອຸກ຺ກຏ຺ຐນິທ຺ເທເສເນຕໍ ວຸຕ຺ຕໍ, ປຐມຊ຺ຌານາທີນິປິ ອຣິໂຍ ຕຸຓ຺ຫີຠາໂວຕ຺ເວວ ສງ຺ຂໍ ຄຈ຺ຉນ຺ຕິ. ຊານນ຺ຕິ ອິທໍ ກມ຺ມສາຘນນ຺ຕິ ອາຫ ‘‘ຊານິຕພ຺ພກໍ ຊານາຕີ’’ຕິ. ຍຖາ ວາ ເອກຈ຺ໂຈ ວິປຣີຕໍ ຄຓ຺ຫນ຺ໂຕ ຊານນ຺ໂຕປິ ນ ຊານາຕິ, ປສ຺ສນ຺ໂຕປິ ນ ປສ຺ສຕິ, ນ ເອວມຍໍ. ອຍໍ ປນ ຊານນ຺ໂຕ ຊານາຕິ, ປສ຺ສນ຺ໂຕ ປສ຺ສຕີຕິ ເອວເມຕ຺ຖ ທຏ຺ຐພ຺ໂພ. ຕຕິຍາທີນິ ສຸວິຎ຺ເຎຍ຺ຍານິ.

ປຎ຺ຎາສຸຕ຺ຕາທິວຓ຺ຓນາ ນິຏ຺ຐິຕາ.