໑໐. ທຸຕິຍມຣຓສ຺ສຕິສຸຕ຺ຕວຓ຺ຓນາ

໒໐. ທສເມ ນິກ຺ຂນ຺ເຕຕິ ວີຕິວຕ຺ເຕ. ປຕິຄຕາຍາຕິ ປຈ຺ຈາຄຕາຍ, ສມ຺ປຕ຺ຕາຍາຕິ ອຕ຺ໂຖ. ເຕນາຫ ‘‘ປຏິປນ຺ນາຍາ’’ຕິ. ໂສ ມມສ຺ສ ອນ຺ຕຣາໂຍຕິ ຍຖາວຸຕ຺ຕາ ນ ເກວລໍ ກາລກິຣິຍາວ, ມມ ອຕິທຸລ຺ລຠໍ ຂຓໍ ລຠິຕ຺ວາ ຕສ຺ສ ສຕ຺ຖຸສາສນມນສິກາຣສ຺ສ ເຈວ ຊີວິຕສ຺ສ ຈ ສຄ຺ຄໂມກ຺ຂານຎ຺ຈ ອນ຺ຕຣາໂຍ ອສ຺ສ, ຠເວຍ຺ຍາຕິ ອຕ຺ໂຖ. ເຕນາຫ ‘‘ຕິວິໂຘ ອນ຺ຕຣາໂຍ’’ຕິອາທິ. ວິປຊ຺ເຊຍ຺ຍາຕິ ວິປຕ຺ຕິໍ ຄຈ຺ເຉຍ຺ຍ. ສຕ຺ຖເກນ ວິຍ ອງ຺ຄປຈ຺ຈງ຺ຄານໍ ກນ຺ຕນກາຣກາ ກາເຍ ສນ຺ຘິພນ຺ຘນຈ຺ເຉທກວາຕາ ສຕ຺ຖກວາຕາ. ກຕ຺ຕຸກມ຺ຍຕາຉນ຺ໂທຕິ ນິຍ຺ຍານາວໂຫ ກຕ຺ຕຸກມ຺ຍຕາກຸສລຈ຺ຉນ຺ໂທ. ປໂຍຄວີຣິຍນ຺ຕິ ຠາວນານຸໂຍຄວີຣິຍໍ. ນ ປຏິວາຕິ ນ ປຏິນິວຕ຺ຕຕີຕິ ອປ຺ປຏິວານີ, ອນ຺ຕຣາ ໂວສານານາປຊ຺ຊນວີຣິຍໍ. ເຕນາຫ ‘‘ອນຸກ຺ກຓ຺ຐນາ ອປ຺ປຏິສງ຺ຆຣຓາ’’ຕິ.

ທຸຕິຍມຣຓສ຺ສຕິສຸຕ຺ຕວຓ຺ຓນາ ນິຏ຺ຐິຕາ.

ສາຣຓີຍວຄ຺ຄວຓ຺ຓນາ ນິຏ຺ຐິຕາ.