໑-໕. ສຎ຺ຎາສຸຕ຺ຕາທິວຓ຺ຓນາ

໖໑-໖໕. ທຸຕິຍສ຺ສ ປຐເມ ‘‘ມຫປ຺ຜລາ ມຫານິສໍສາ’’ຕິ ອຸຠຍມ຺ເປຕໍ ອຕ຺ຖໂຕ ເອກໍ, ພ຺ຍຎ຺ຊນເມວ ນານນ຺ຕິ ອາຫ ‘‘ມຫປ຺ຜລາ’’ຕິອາທິ. ‘‘ປຎ຺ຈິເມ ຄຫປຕໂຍ ອານິສໍສາ’’ຕິອາທີສຸ (ອຸທາ. ໗໖) ອານິສໍສ-ສທ຺ໂທ ຜລປຣິຍາໂຍປິ ໂຫຕິ. ມຫໂຕ ໂລກຸຕ຺ຕຣສ຺ສ ສຸຂສ຺ສ ປຈ຺ຈຍາ ໂຫນ຺ຕີຕິ ມຫານິສໍສາ. ອມໂຕຄຘາຕິ ອມຕພ຺ຠນ຺ຕຣາ ອມຕໍ ອນຸປ຺ປວິຏ຺ຐາ ນິພ຺ພານທິຏ຺ຐຕ຺ຕາ, ຕໂຕ ປຣໍ ນ ຄຈ຺ຉນ຺ຕິ. ເຕນ ວຸຕ຺ຕໍ ‘‘ອມຕປຣິໂຍສານາ’’ຕິ. ອມຕໍ ປຣິໂຍສານໍ ອວສານໍ ເອຕາສນ຺ຕິ ອມຕປຣິໂຍສານາ. ມຣຓສຎ຺ຎາຕິ ມຣຓານຸປສ຺ສນາຎາເຓນ ສຎ຺ຎາ. ອາຫາເຣ ປຏິກູລສຎ຺ຎາຕິ ອາຫາຣໍ ຄມນາທິວເສນ ປຏິກູລໂຕ ປຣິຄ຺ຄຓ຺ຫນ຺ຕສ຺ສ ອຸປ຺ປນ຺ນສຎ຺ຎາ. ອຸກ຺ກຓ຺ຐິຕສ຺ສາຕິ ນິພ຺ພິນ຺ທນ຺ຕສ຺ສ ກຕ຺ຖຈິປິ ອສຊ຺ຊນ຺ຕສ຺ສ. ທຸຕິຍາທີນິ ອຸຕ຺ຕານຕ຺ຖາເນວ.

ສຎ຺ຎາສຸຕ຺ຕາທິວຓ຺ຓນາ ນິຏ຺ຐິຕາ.