(໗) ໒. ສຎ຺ຎາວຄ຺ໂຄ

໑-໕. ສຎ຺ຎາສຸຕ຺ຕາທິວຓ຺ຓນາ

໖໑-໖໕. ທຸຕິຍສ຺ສ ປຐເມ ‘‘ມຫປ຺ຜລາ ມຫານິສໍສາ’’ຕິ ອຸຠຍມ຺ເປຕໍ ອຕ຺ຖໂຕ ເອກໍ, ພ຺ຍຎ຺ຊນເມວ ນານນ຺ຕິ ອາຫ ‘‘ມຫປ຺ຜລາ’’ຕິອາທິ. ‘‘ປຎ຺ຈິເມ ຄຫປຕໂຍ ອານິສໍສາ’’ຕິອາທີສຸ (ອຸທາ. ໗໖) ອານິສໍສ-ສທ຺ໂທ ຜລປຣິຍາໂຍປິ ໂຫຕິ. ມຫໂຕ ໂລກຸຕ຺ຕຣສ຺ສ ສຸຂສ຺ສ ປຈ຺ຈຍາ ໂຫນ຺ຕີຕິ ມຫານິສໍສາ. ອມໂຕຄຘາຕິ ອມຕພ຺ຠນ຺ຕຣາ ອມຕໍ ອນຸປ຺ປວິຏ຺ຐາ ນິພ຺ພານທິຏ຺ຐຕ຺ຕາ, ຕໂຕ ປຣໍ ນ ຄຈ຺ຉນ຺ຕິ. ເຕນ ວຸຕ຺ຕໍ ‘‘ອມຕປຣິໂຍສານາ’’ຕິ. ອມຕໍ ປຣິໂຍສານໍ ອວສານໍ ເອຕາສນ຺ຕິ ອມຕປຣິໂຍສານາ. ມຣຓສຎ຺ຎາຕິ ມຣຓານຸປສ຺ສນາຎາເຓນ ສຎ຺ຎາ. ອາຫາເຣ ປຏິກູລສຎ຺ຎາຕິ ອາຫາຣໍ ຄມນາທິວເສນ ປຏິກູລໂຕ ປຣິຄ຺ຄຓ຺ຫນ຺ຕສ຺ສ ອຸປ຺ປນ຺ນສຎ຺ຎາ. ອຸກ຺ກຓ຺ຐິຕສ຺ສາຕິ ນິພ຺ພິນ຺ທນ຺ຕສ຺ສ ກຕ຺ຖຈິປິ ອສຊ຺ຊນ຺ຕສ຺ສ. ທຸຕິຍາທີນິ ອຸຕ຺ຕານຕ຺ຖາເນວ.

ສຎ຺ຎາສຸຕ຺ຕາທິວຓ຺ຓນາ ນິຏ຺ຐິຕາ.

໖-໑໐. ສາຊີວສຸຕ຺ຕາທິວຓ຺ຓນາ

໖໖-໗໐. ຉຏ຺ເຐ ສຫ ອາຊີວນ຺ຕິ ເອຕ຺ຖາຕິ ສາຊີໂວ, ປຎ຺ຫສ຺ສ ປຸຈ຺ຉນໍ ວິສ຺ສຊ຺ຊນຎ຺ຈ. ເຕນາຫ ‘‘ສາຊີໂວຕິ ປຎ຺ຫປຸຈ຺ຉນຎ຺ເຈວ ປຎ຺ຫວິສ຺ສຊ຺ຊນຎ຺ຈາ’’ຕິອາທິ. ອຠິສງ຺ຂຕນ຺ຕິ ຈິຕໍ. ສຕ຺ຕມາທີນິ ອຸຕ຺ຕານຕ຺ຖາເນວ.

ສາຊີວສຸຕ຺ຕາທິວຓ຺ຓນາ ນິຏ຺ຐິຕາ.

ສຎ຺ຎາວຄ຺ຄວຓ຺ຓນາ ນິຏ຺ຐິຕາ.