໗. ກາມສຸຕ຺ຕວຓ຺ຓນາ

໗. ສຕ຺ຕເມ ອສນ຺ຕິ ລູນນ຺ຕິ ເຕນາຕິ ອສິຕໍ, ທາຕ຺ຕໍ. ວິວິຘາ ອາຠຎ຺ຊນ຺ຕິ ຠາຣໍ ໂອລມ຺ເພນ຺ຕິ ເຕນາຕິ ພ຺ຍາຠງ຺ຄີ, ວິຘໍ. ກຸລປຸຕ຺ໂຕຕິ ເອຕ຺ຖ ທຸວິໂຘ ກຸລປຸຕ຺ໂຕ ຊາຕິກຸລປຸຕ຺ໂຕ, ອາຈາຣກຸລປຸຕ຺ໂຕ ຈ. ຕຕ຺ຖ ‘‘ເຕນ ໂຂ ປນ ສມເຍນ ຣຏ຺ຐປາໂລ ນາມ ກຸລປຸຕ຺ໂຕ ຕສ຺ມິໍເຍວ ຖຸລ຺ລໂກຏ຺ຐິເກ ອຄ຺ຄກຸລິກສ຺ສ ປຸຕ຺ໂຕ’’ຕິ (ມ. ນິ. ໒.໒໙໔) ເອວໍ ອາຄໂຕ ອຸຈ຺ຈກຸລປ຺ປສຸໂຕ ຊາຕິກຸລປຸຕ຺ໂຕ ນາມ. ‘‘ເຍ ເຕ ກຸລປຸຕ຺ຕາ ສທ຺ຘາ ອຄາຣສ຺ມາ ອນຄາຣິຍໍ ປພ຺ພຊິຕາ’’ຕິ (ມ. ນິ. ໑.໓໔) ເອວໍ ອາຄຕາ ປນ ຍຕ຺ຖ ກຕ຺ຖຈິ ກຸເລ ປສຸຕາປິ ອາຈາຣສມ຺ປນ຺ນາ ອາຈາຣກຸລປຸຕ຺ໂຕ ນາມ. ອິຘ ປນ ອາຈາຣກຸລປຸຕ຺ໂຕ ອຘິປ຺ເປໂຕ. ເຕນາຫ ‘‘ກຸລປຸຕ຺ໂຕຕິ ອາຈາຣກຸລປຸຕ຺ໂຕ’’ຕິ. ຍຸຕ຺ຕນ຺ຕິ ອນຸຈ຺ຉວິກໍ, ເອວໍ ວຕ຺ຕພ຺ພຕໍ ອຣຫຕີຕິ ອຕ຺ໂຖ. ເສສເມຕ຺ຖ ອຸຕ຺ຕານເມວ.

ກາມສຸຕ຺ຕວຓ຺ຓນາ ນິຏ຺ຐິຕາ.