໘. ຈວນສຸຕ຺ຕວຓ຺ຓນາ

໘. ອຏ຺ຐເມ ສທ຺ຘາຍາຕິ ອິມິນາ ອຘິຄມສທ຺ຘາ ທສ຺ສິຕາ. ຈຕຸພ຺ພິຘາ ຫິ ສທ຺ຘາ – ອາຄມນີຍສທ຺ຘາ, ອຘິຄມສທ຺ຘາ, ປສາທສທ຺ຘາ, ໂອກປ຺ປນສທ຺ຘາຕິ. ຕຕ຺ຖ ອາຄມນີຍສທ຺ຘາ ສພ຺ພຎ຺ຎຸໂພຘິສຕ຺ຕານໍ ປວຕ຺ຕາ ໂຫຕິ. ອາຄມນີຍປ຺ປຏິປທາຍ ອາຄຕາ ຫິ ສທ຺ຘາ ສາຕິສຍາ ມຫາໂພຘິສຕ຺ຕານໍ ປໂຣປເທເສນ ວິນາ ສທ຺ເຘຍ຺ຍວຕ຺ຖຸໍ ອວິປຣີຕໂຕ ຄເຫຕ຺ວາ ອຘິມຸຈ຺ຈນໂຕ. ສຈ຺ຈປ຺ປຏິເວຘໂຕ ອາຄຕສທ຺ຘາ ອຘິຄມສທ຺ຘາ ສຸປ຺ປພຸທ຺ຘາທີນໍ ວິຍ. ‘‘ສມ຺ມາສມ຺ພຸທ຺ໂຘ ຠຄວາ’’ຕິອາທິນາ ພຸທ຺ຘາທີສຸ ອຸປ຺ປຊ຺ຊນກປ຺ປສາໂທ ປສາທສທ຺ຘາ ມຫາກປ຺ປິນຣາຊາທີນໍ ວິຍ. ‘‘ເອວເມຕ’’ນ຺ຕິ ໂອກ຺ກນ຺ທິຕ຺ວາ ປກ຺ຂນ຺ທິຕ຺ວາ ສທ຺ທຫນວເສນ ກປ຺ປນໍ ໂອກປ຺ປນໍ, ຕເທວ ສທ຺ຘາຕິ ໂອກປ຺ປນສທ຺ຘາ. ຕຕ຺ຖ ປສາທສທ຺ຘາ ປຣເນຍ຺ຍຣູປາ ໂຫຕິ, ສວນມຕ຺ເຕນປິ ປສີທນໂຕ. ໂອກປ຺ປນສທ຺ຘາ ສທ຺ເຘຍ຺ຍໍ ວຕ຺ຖຸໍ ໂອຄາຫິຕ຺ວາ ອນຸປວິສິຕ຺ວາ ‘‘ເອວເມຕ’’ນ຺ຕິ ປຈ຺ຈກ຺ຂໍ ກໂຣນ຺ຕີ ວິຍ ປວຕ຺ຕຕິ.

ຈວນສຸຕ຺ຕວຓ຺ຓນາ ນິຏ຺ຐິຕາ.