໑-໖. ສາຣຊ຺ຊສຸຕ຺ຕາທິວຓ຺ຓນາ

໑໗໑-໑໗໖. ຕຕິຍສ຺ສ ປຐມທຸຕິຍຕຕິຍຈຕຸຕ຺ເຖ ນຕ຺ຖິ ວຕ຺ຕພ຺ພໍ. ປຎ຺ຈເມ ອຸປາສກປຈ຺ຉິມໂກຕິ ອຸປາສກນິຫີໂນ. ‘‘ອິມິນາ ທິຏ຺ຐາທິນາ ອິທໍ ນາມ ມງ຺ຄລໍ ຠວິສ຺ສຕີ’’ຕິ ເອວໍ ພາລຊນປຣິກປ຺ປິຕໂກຕູຫລສງ຺ຂາເຕນ ທິຏ຺ຐສຸຕມຸຕມງ຺ຄເລນ ສມນ຺ນາຄໂຕ ໂກຕູຫລມງ຺ຄລິໂກ. ເຕນາຫ ‘‘ອິມິນາ ອິທໍ ຠວິສ຺ສຕີ’’ຕິອາທິ. ມງ຺ຄລໍ ປຈ຺ເຈຕີຕິ ທິຏ຺ຐມງ຺ຄລາທິເຠທໍ ມງ຺ຄລເມວ ປຕ຺ຖິຍາຍຕິ. ໂນ ກມ຺ມນ຺ຕິ ກມ຺ມສ຺ສກຕໍ ໂນ ປຕ຺ຖິຍາຍຕິ. ອິມມ຺ຫາ ສາສນາຕິ ອິໂຕ ສພ຺ພຎ຺ຎຸພຸທ຺ຘສາສນໂຕ. ພຫິທ຺ຘາຕິ ພາຫິຣກສມເຍ. ທກ຺ຂິເຓຍ຺ຍໍ ປຣິເຍສຕີຕິ ‘‘ທຸປ຺ປຏິປນ຺ນາ ທກ຺ຂິເຓຍ຺ຍາ’’ຕິ ສຎ຺ຎີ ຄເວສຕິ. ເອຕ຺ຖ ທກ຺ຂິຓປຣິເຍສນປຸພ຺ພກາເຣ ເອກໍ ກຕ຺ວາ ປຎ຺ຈ ຘມ຺ມາ ເວທິຕພ຺ພາ. ຉຏ຺ຐໍ ອຸຕ຺ຕານເມວ.

ສາຣຊ຺ຊສຸຕ຺ຕາທິວຓ຺ຓນາ ນິຏ຺ຐິຕາ.