໗-໙. ໂຈທນາສຸຕ຺ຕາທິວຓ຺ຓນາ

໑໖໗-໙. ສຕ຺ຕເມ ວຕ຺ຖຸສນ຺ທສ຺ສນາຕິ ຍສ຺ມິໍ ວຕ຺ຖຸສ຺ມິໍ ອາປຕ຺ຕິ, ຕສ຺ສ ສຣູປໂຕ ທສ຺ສນໍ. ອາປຕ຺ຕິສນ຺ທສ຺ສນາຕິ ຍໍ ອາປຕ຺ຕິໍ ໂສ ອາປນ຺ໂນ, ຕສ຺ສາ ທສ຺ສນໍ. ສໍວາສປ຺ປຏິກ຺ເຂໂປຕິ ອຸໂປສຖປ຺ປວາຣຓາທິສໍວາສສ຺ສ ປຏິກ຺ຂິປນໍ ອກຣຓໍ. ສາມີຈິປ຺ປຏິກ຺ເຂໂປຕິ ອຠິວາທນາທິສາມີຈິກິຣິຍາຍ ອກຣຓໍ. ໂຈທຍມາເນນາຕິ ໂຈເທນ຺ເຕນ. ຈຸທິຕກສ຺ສ ກາໂລຕິ ຈຸທິຕກສ຺ສ ໂຈເທຕພ຺ພກາໂລ. ປຸຄ຺ຄລນ຺ຕິ ໂຈເທຕພ຺ພປຸຄ຺ຄລໍ. ອຸປປຣິກ຺ຂິຕ຺ວາຕິ ‘‘ອຍໍ ຈຸທິຕກລກ຺ຂເຓ ຕິຏ຺ຐຕິ, ນ ຕິຏ຺ຐຕີ’’ຕິ ວີມໍສິຕ຺ວາ. ອຍສໍ ອາໂຣເປຕີຕິ ‘‘ອິເມ ມໍ ອຠູເຕນ ອພ຺ຠາຈິກ຺ຂນ຺ຕາ ອຍສໍ ພ຺ຍສນໍ ອຸປ຺ປາເທນ຺ຕີ’’ຕິ ຠິກ຺ຂູນໍ ອຍສໍ ອຸປ຺ປາເທຕິ. ອຏ຺ຐມນວມານິ ອຸຕ຺ຕານຕ຺ຖາເນວ.

ໂຈທນາສຸຕ຺ຕາທິວຓ຺ຓນາ ນິຏ຺ຐິຕາ.