໑. ປຐມປຸຎ຺ຎາຠິສນ຺ທສຸຕ຺ຕວຓ຺ຓນາ

໕໑. ທຸຕິຍສ຺ສ ປຐເມ ປຸຎ຺ຎາຠິສນ຺ທາຕິ ວາ ປຸຎ຺ຎນທິໂຍ. ອວິຈ຺ເຉເທນ ນິຈ຺ຈໍ ປວຕ຺ຕິຍມານານິ ຫິ ປຸຎ຺ຎານິ ອຠິສນ຺ທນຏ຺ເຐນ ‘‘ປຸຎ຺ຎາຠິສນ຺ທາ’’ຕິ ວຸຕ຺ຕາ. ອປຣິມິຕນ຺ຕິ ອາຬ຺ຫກຄຓນາຍ ອປຣິມິຕໍ, ໂຍຊນວເສນ ປນສ຺ສ ປຣິມາຓໍ ອຕ຺ຖິ. ຕຖາ ຫິ ເຫຏ຺ຐາ ມຫາປຖວິຍາ ອຸປຣິ ອາກາເສນ ປຣໂຕ ຈກ຺ກວາຬປພ຺ພເຕນ ມຊ຺ເຌ ຕຕ຺ຖ ຕຕ຺ຖ ຐິເຕຫິ ທີປປພ຺ພຕປຣິຍນ຺ເຕຫິ ປຣິຈ຺ຉິນ຺ນຕ຺ຕາ ໂຍຊນໂຕ ສກ຺ກາ ປມາຓໍ ກາຕຸໍ. ເຠຣວາຣມ຺ມເຓຫີຕິ ສວິຎ຺ຎາຓກາວິຎ຺ຎາຓເກຫິ ເຠຣວາຣມ຺ມເຓຫິ. ຕຖາ ຫິ ຕໍ ມຫາສຣີຣມຈ຺ຉກຸມ຺ຠີລຍກ຺ຂຣກ຺ຂສມຫານາຄທານວາທີນໍ ສວິຎ຺ຎາຓການໍ ວຬວາມຸຂປາຕາລາທີນໍ ອວິຎ຺ຎາຓການຎ຺ຈ ເຠຣວາຣມ຺ມຓານໍ ວເສນ ‘‘ພຫຸເຠຣວ’’ນ຺ຕິ ວຸຈ຺ຈຕິ. ເສສເມຕ຺ຖ ອຸຕ຺ຕານເມວ.

ປຐມປຸຎ຺ຎາຠິສນ຺ທສຸຕ຺ຕວຓ຺ຓນາ ນິຏ຺ຐິຕາ.