໑-໘. ວາຫນສຸຕ຺ຕາທິວຓ຺ຓນາ

໘໑-໘໘. ຈຕຸຕ຺ຖສ຺ສ ປຐເມ ວິມຣິຍາທີກເຕນາຕິ ນິມ຺ມຣິຍາທີກເຕນ. ເຈຕສາຕິ ເອວໍວິເຘນ ຈິຕ຺ເຕນ ວິຫຣຕິ. ຕຕ຺ຖ ທ຺ເວ ມຣິຍາທາ ກິເລສມຣິຍາທາ ຈ ອາຣມ຺ມຓມຣິຍາທາ ຈ. ສເຈ ຫິສ຺ສ ຣູປາທິເກ ອາຣພ຺ຠ ຣາຄາທໂຍ ອຸປ຺ປຊ຺ເຊຍ຺ຍຸໍ, ກິເລສມຣິຍາທາ ເຕນ ກຕາ ຠເວຍ຺ຍ. ເຕສຸ ປນສ຺ສ ເອໂກປິ ນ ອຸປ຺ປນ຺ໂນຕິ ກິເລສມຣິຍາທາ ນຕ຺ຖິ. ສເຈ ປນສ຺ສ ຣູປາທິຘມ຺ເມ ອາວຊ຺ເຊນ຺ຕສ຺ສ ເອກຈ຺ເຈ ອາປາຖໍ ນາຄຈ຺ເຉຍ຺ຍຸໍ, ເອວມສ຺ສ ອາຣມ຺ມຓມຣິຍາທາ ຠເວຍ຺ຍ. ເຕ ປນສ຺ສ ຘມ຺ເມ ອາວຊ຺ເຊນ຺ຕສ຺ສ ອາປາຖໍ ອນາຄຕຘມ຺ໂມ ນາມ ນຕ຺ຖີຕິ ອາຣມ຺ມຓມຣິຍາທາປິ ນຕ຺ຖິ. ອິຘ ປນ ກິເລສມຣິຍາທາ ອຘິປ຺ເປຕາຕິ ອາຫ ‘‘ກິເລສມຣິຍາທໍ ຠິນ຺ທິຕ຺ວາ’’ຕິອາທິ. ຕຕິຍາທີສຸ ນຕ຺ຖິ ວຕ຺ຕພ຺ພໍ.

ວາຫນສຸຕ຺ຕາທິວຓ຺ຓນາ ນິຏ຺ຐິຕາ.