໘. ທຸຕິຍມຫາສມຸທ຺ທສຸຕ຺ຕໍ

໑໑໒໘. ‘‘ເສຍ຺ຍຖາປິ, ຠິກ຺ຂເວ, ມຫາສມຸທ຺ເທ ອຸທກໍ ປຣິກ຺ຂຍໍ [ມຫາສມຸທ຺ໂທ ປຣິກ຺ຂຍໍ (ສີ. ສ຺ຍາ. ກໍ.) ສໍ. ນິ. ໒.໘໑] ປຣິຍາທານໍ ຄຈ຺ເຉຍ຺ຍ ຐເປຕ຺ວາ ທ຺ເວ ວາ ຕີຓິ ວາ ອຸທກຜຸສິຕານິ. ຕໍ ກິໍ ມຎ຺ຎຖ, ຠິກ຺ຂເວ, ກຕມໍ ນຸ ໂຂ ພຫຸຕຣໍ – ຍໍ ວາ ມຫາສມຸທ຺ເທ ອຸທກໍ ປຣິກ຺ຂີຓໍ ປຣິຍາທິນ຺ນໍ, ຍານິ ທ຺ເວ ວາ ຕີຓິ ວາ ອຸທກຜຸສິຕານິ ອວສິຏ຺ຐານີ’’ຕິ? ‘‘ເອຕເທວ, ຠນ຺ເຕ, ພຫຸຕຣໍ ມຫາສມຸທ຺ເທ ອຸທກໍ ຍທິທໍ ປຣິກ຺ຂີຓໍ ປຣິຍາທິນ຺ນໍ; ອປ຺ປມຕ຺ຕການິ ທ຺ເວ ວາ ຕີຓິ ວາ ອຸທກຜຸສິຕານິ ອວສິຏ຺ຐານິ. ສງ຺ຂມ຺ປິ ນ ອຸເປນ຺ຕິ, ອຸປນິຘມ຺ປິ ນ ອຸເປນ຺ຕິ, ກລຠາຄມ຺ປິ ນ ອຸເປນ຺ຕິ ມຫາສມຸທ຺ເທ ອຸທກໍ ປຣິກ຺ຂີຓໍ ປຣິຍາທິນ຺ນໍ ອຸປນິຘາຍ ທ຺ເວ ວາ ຕີຓິ ວາ ອຸທກຜຸສິຕານິ ອວສິຏ຺ຐານີ’’ຕິ. ‘‘ເອວເມວ ໂຂ, ຠິກ຺ຂເວ, ອຣິຍສາວກສ຺ສ…ເປ… ໂຍໂຄ ກຣຓີໂຍ’’ຕິ. ອຏ຺ຐມໍ.