໑໑. ປຎ຺ຈຄຕິເປຍ຺ຍາລວຄ຺ໂຄ

໑. ມນຸສ຺ສຈຸຕິນິຣຍສຸຕ຺ຕໍ

໑໑໗໒. ອຖ ໂຂ ຠຄວາ ປຣິຕ຺ຕໍ ນຂສິຂາຍໍ ປໍສຸໍ ອາໂຣເປຕ຺ວາ ຠິກ຺ຂູ ອາມນ຺ເຕສິ – ‘‘ຕໍ ກິໍ ມຎ຺ຎຖ, ຠິກ຺ຂເວ, ກຕມໍ ນຸ ໂຂ ພຫຸຕຣໍ – ໂຍ ວາຍໍ ມຍາ ປຣິຕ຺ໂຕ ນຂສິຂາຍໍ ປໍສຸ ອາໂຣປິໂຕ, ອຍໍ ວາ ມຫາປຖວີ’’ຕິ? ‘‘ເອຕເທວ, ຠນ຺ເຕ, ພຫຸຕຣໍ, ຍທິທໍ – ມຫາປຖວີ; ອປ຺ປມຕ຺ຕກາຍໍ ຠຄວຕາ ປຣິຕ຺ໂຕ ນຂສິຂາຍໍ ປໍສຸ ອາໂຣປິໂຕ. ສງ຺ຂມ຺ປິ ນ ອຸເປຕິ, ອຸປນິຘມ຺ປິ ນ ອຸເປຕິ, ກລຠາຄມ຺ປິ ນ ອຸເປຕິ ມຫາປຖວິໍ ອຸປນິຘາຍ ຠຄວຕາ ປຣິຕ຺ໂຕ ນຂສິຂາຍໍ ປໍສຸ ອາໂຣປິໂຕ’’ຕິ. ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ມນຸສ຺ສາ ຈຸຕາ ມນຸສ຺ເສສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ມນຸສ຺ສາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ…. ປຐມໍ.

໒. ມນຸສ຺ສຈຸຕິຕິຣຈ຺ຉານສຸຕ຺ຕໍ

໑໑໗໓. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ມນຸສ຺ສາ ຈຸຕາ ມນຸສ຺ເສສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ມນຸສ຺ສາ ຈຸຕາ ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ…. ທຸຕິຍໍ.

໓. ມນຸສ຺ສຈຸຕິເປຕ຺ຕິວິສຍສຸຕ຺ຕໍ

໑໑໗໔. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ມນຸສ຺ສາ ຈຸຕາ ມນຸສ຺ເສສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ມນຸສ຺ສາ ຈຸຕາ ເປຕ຺ຕິວິສເຍ ປຈ຺ຈາຊາຍນ຺ຕິ…ເປ…. ຕຕິຍໍ.

໔-໕-໖. ມນຸສ຺ສຈຸຕິເທວນິຣຍາທິສຸຕ຺ຕໍ

໑໑໗໕-໑໑໗໗. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ມນຸສ຺ສາ ຈຸຕາ ເທເວສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ມນຸສ຺ສາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ… ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ… ເປຕ຺ຕິວິສເຍ ປຈ຺ຈາຊາຍນ຺ຕິ…ເປ…. ຉຏ຺ຐໍ.

໗-໙. ເທວຈຸຕິນິຣຍາທິສຸຕ຺ຕໍ

໑໑໗໘-໑໑໘໐. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ເທວາ ຈຸຕາ ເທເວສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ເທວາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ… ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ… ເປຕ຺ຕິວິສເຍ ປຈ຺ຈາຊາຍນ຺ຕິ…ເປ…. ນວມໍ.

໑໐-໑໒. ເທວມນຸສ຺ສນິຣຍາທິສຸຕ຺ຕໍ

໑໑໘໑-໑໑໘໓. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ເທວາ ຈຸຕາ ມນຸສ຺ເສສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ເທວາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ… ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ… ເປຕ຺ຕິວິສເຍ ປຈ຺ຈາຊາຍນ຺ຕິ…ເປ…. ທ຺ວາທສມໍ.

໑໓-໑໕. ນິຣຍມນຸສ຺ສນິຣຍາທິສຸຕ຺ຕໍ

໑໑໘໔-໑໑໘໖. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ນິຣຍາ ຈຸຕາ ມນຸສ຺ເສສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ນິຣຍາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ… ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ… ເປຕ຺ຕິວິສເຍ ປຈ຺ຈາຊາຍນ຺ຕິ…ເປ…. ປນ຺ນຣສມໍ.

໑໖-໑໘. ນິຣຍເທວນິຣຍາທິສຸຕ຺ຕໍ

໑໑໘໗-໑໑໘໙. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ນິຣຍາ ຈຸຕາ ເທເວສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ນິຣຍາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ… ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ… ເປຕ຺ຕິວິສເຍ ປຈ຺ຈາຊາຍນ຺ຕິ…ເປ…. ອຏ຺ຐາຣສມໍ.

໑໙-໒໑. ຕິຣຈ຺ຉານມນຸສ຺ສນິຣຍາທິສຸຕ຺ຕໍ

໑໑໙໐-໑໑໙໒. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ຕິຣຈ຺ຉານໂຍນິຍາ ຈຸຕາ ມນຸສ຺ເສສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ຕິຣຈ຺ຉານໂຍນິຍາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ… ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ… ເປຕ຺ຕິວິສເຍ ປຈ຺ຈາຊາຍນ຺ຕິ…ເປ…. ເອກວີສຕິມໍ.

໒໒-໒໔. ຕິຣຈ຺ຉານເທວນິຣຍາທິສຸຕ຺ຕໍ

໑໑໙໓-໑໑໙໕. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ຕິຣຈ຺ຉານໂຍນິຍາ ຈຸຕາ ເທເວສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ຕິຣຈ຺ຉານໂຍນິຍາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ… ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ… ເປຕ຺ຕິວິສເຍ ປຈ຺ຈາຊາຍນ຺ຕິ…ເປ…. ຈຕຸວີສຕິມໍ.

໒໕-໒໗. ເປຕ຺ຕິມນຸສ຺ສນິຣຍາທິສຸຕ຺ຕໍ

໑໑໙໖-໑໑໙໘. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ເປຕ຺ຕິວິສຍາ ຈຸຕາ ມນຸສ຺ເສສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ເປຕ຺ຕິວິສຍາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ… ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ… ເປຕ຺ຕິວິສເຍ ປຈ຺ຈາຊາຍນ຺ຕິ…ເປ…. ສຕ຺ຕວີສຕິມໍ.

໒໘-໒໙. ເປຕ຺ຕິເທວນິຣຍາທິສຸຕ຺ຕໍ

໑໑໙໙-໑໒໐໐. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ເປຕ຺ຕິວິສຍາ ຈຸຕາ ເທເວສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ເປຕ຺ຕິວິສຍາ ຈຸຕາ ນິຣເຍ ປຈ຺ຈາຊາຍນ຺ຕິ…ເປ… ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ເປຕ຺ຕິວິສຍາ ຈຸຕາ ເທເວສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ເປຕ຺ຕິວິສຍາ ຈຸຕາ ຕິຣຈ຺ຉານໂຍນິຍາ ປຈ຺ຈາຊາຍນ຺ຕິ…ເປ…. ເອກູນຕິໍສຕິມໍ.

໓໐. ເປຕ຺ຕິເທວເປຕ຺ຕິວິສຍສຸຕ຺ຕໍ

໑໒໐໑. …ເປ… ‘‘ເອວເມວ ໂຂ, ຠິກ຺ຂເວ, ອປ຺ປກາ ເຕ ສຕ຺ຕາ ເຍ ເປຕ຺ຕິວິສຍາ ຈຸຕາ ເທເວສຸ ປຈ຺ຈາຊາຍນ຺ຕິ; ອຖ ໂຂ ເອເຕວ ພຫຸຕຣາ ສຕ຺ຕາ ເຍ ເປຕ຺ຕິວິສຍາ ຈຸຕາ ເປຕ຺ຕິວິສເຍ ປຈ຺ຈາຊາຍນ຺ຕິ. ຕໍ ກິສ຺ສ ເຫຕຸ? ອທິຏ຺ຐຕ຺ຕາ ຠິກ຺ຂເວ, ຈຕຸນ຺ນໍ ອຣິຍສຈ຺ຈານໍ. ກຕເມສໍ ຈຕຸນ຺ນໍ? ທຸກ຺ຂສ຺ສ ອຣິຍສຈ຺ຈສ຺ສ, ທຸກ຺ຂສມຸທຍສ຺ສ ອຣິຍສຈ຺ຈສ຺ສ, ທຸກ຺ຂນິໂຣຘສ຺ສ ອຣິຍສຈ຺ຈສ຺ສ, ທຸກ຺ຂນິໂຣຘຄາມິນິຍາ ປຏິປທາຍ ອຣິຍສຈ຺ຈສ຺ສ’’.

‘‘ຕສ຺ມາຕິຫ, ຠິກ຺ຂເວ, ‘ອິທໍ ທຸກ຺ຂ’ນ຺ຕິ ໂຍໂຄ ກຣຓີໂຍ, ‘ອຍໍ ທຸກ຺ຂສມຸທໂຍ’ຕິ ໂຍໂຄ ກຣຓີໂຍ, ‘ອຍໍ ທຸກ຺ຂນິໂຣໂຘ’ຕິ ໂຍໂຄ ກຣຓີໂຍ, ‘ອຍໍ ທຸກ຺ຂນິໂຣຘຄາມິນີ ປຏິປທາ’ຕິ ໂຍໂຄ ກຣຓີໂຍ’’ຕິ. ອິທມໂວຈ ຠຄວາ. ອຕ຺ຕມນາ ເຕ ຠິກ຺ຂູ ຠຄວໂຕ ຠາສິຕໍ ອຠິນນ຺ທຸນ຺ຕິ. ຕິໍສຕິມໍ.

ປຎ຺ຈຄຕິເປຍ຺ຍາລວຄ຺ໂຄ ເອກາທສໂມ.

ຕສ຺ສຸທ຺ທານໍ –

ມນຸສ຺ສໂຕ ຈຸຕາ ຉາປິ, ເທວາ ຈຸຕາ ນິຣຍໂຕ;

ຕິຣຈ຺ຉານເປຕ຺ຕິວິສຍາ, ຕິໍສມຕ຺ໂຕ ຄຕິວຄ຺ໂຄຕິ.

ສຈ຺ຈສໍຍຸຕ຺ຕໍ ທ຺ວາທສມໍ.