໓. ມູລຄນ຺ຘທາຕາສຸຕ຺ຕໍ

໔໔໐. ສາວຕ຺ຖິນິທານໍ. ເອກມນ຺ຕໍ ນິສິນ຺ໂນ ໂຂ ໂສ ຠິກ຺ຂຸ ຠຄວນ຺ຕໍ ເອຕທໂວຈ – ‘‘ໂກ ນຸ ໂຂ, ຠນ຺ເຕ, ເຫຕຸ, ໂກ ປຈ຺ຈໂຍ, ເຍນ ມິເຘກຈ຺ໂຈ ກາຍສ຺ສ ເຠທາ ປຣໍ ມຣຓາ ມູລຄນ຺ເຘ ອຘິວຕ຺ຖານໍ ເທວານໍ ສຫພ຺ຍຕໍ ອຸປປຊ຺ຊຕີ’’ຕິ? ‘‘ອິຘ, ຠິກ຺ຂຸ, ເອກຈ຺ໂຈ ກາເຍນ ສຸຈຣິຕໍ ຈຣຕິ, ວາຈາຍ ສຸຈຣິຕໍ ຈຣຕິ, ມນສາ ສຸຈຣິຕໍ ຈຣຕິ. ຕສ຺ສ ສຸຕໍ ໂຫຕິ – ‘ມູລຄນ຺ເຘ ອຘິວຕ຺ຖາ ເທວາ ທີຆາຍຸກາ ວຓ຺ຓວນ຺ໂຕ ສຸຂພຫຸລາ’ຕິ. ຕສ຺ສ ເອວໍ ໂຫຕິ – ‘ອໂຫ ວຕາຫໍ ກາຍສ຺ສ ເຠທາ ປຣໍ ມຣຓາ ມູລຄນ຺ເຘ ອຘິວຕ຺ຖານໍ ເທວານໍ ສຫພ຺ຍຕໍ ອຸປປຊ຺ເຊຍ຺ຍ’ນ຺ຕິ. ໂສ ທາຕາ ໂຫຕິ ມູລຄນ຺ຘານໍ. ໂສ ກາຍສ຺ສ ເຠທາ ປຣໍ ມຣຓາ ມູລຄນ຺ເຘ ອຘິວຕ຺ຖານໍ ເທວານໍ ສຫພ຺ຍຕໍ ອຸປປຊ຺ຊຕິ. ອຍໍ ໂຂ, ຠິກ຺ຂຸ, ເຫຕຸ…ເປ… ເຍນ ມິເຘກຈ຺ໂຈ ກາຍສ຺ສ ເຠທາ ປຣໍ ມຣຓາ ມູລຄນ຺ເຘ ອຘິວຕ຺ຖານໍ ເທວານໍ ສຫພ຺ຍຕໍ ອຸປປຊ຺ຊຕີ’’ຕິ. ຕຕິຍໍ.