໔-໑໒. ສາຣຄນ຺ຘາທິທາຕາສຸຕ຺ຕນວກໍ

໔໔໑-໔໔໙. ສາວຕ຺ຖິນິທານໍ. ເອກມນ຺ຕໍ ນິສິນ຺ໂນ ໂຂ ໂສ ຠິກ຺ຂຸ ຠຄວນ຺ຕໍ ເອຕທໂວຈ – ‘‘ໂກ ນຸ ໂຂ, ຠນ຺ເຕ, ເຫຕຸ, ໂກ ປຈ຺ຈໂຍ, ເຍນ ມິເຘກຈ຺ໂຈ ກາຍສ຺ສ ເຠທາ ປຣໍ ມຣຓາ ສາຣຄນ຺ເຘ ອຘິວຕ຺ຖານໍ ເທວານໍ…ເປ… ເຜຄ຺ຄຸຄນ຺ເຘ ອຘິວຕ຺ຖານໍ ເທວານໍ… ຕຈຄນ຺ເຘ ອຘິວຕ຺ຖານໍ ເທວານໍ… ປປຏິກຄນ຺ເຘ ອຘິວຕ຺ຖານໍ ເທວານໍ… ປຕ຺ຕຄນ຺ເຘ ອຘິວຕ຺ຖານໍ ເທວານໍ… ປຸປ຺ຜຄນ຺ເຘ ອຘິວຕ຺ຖານໍ ເທວານໍ… ຜລຄນ຺ເຘ ອຘິວຕ຺ຖານໍ ເທວານໍ… ຣສຄນ຺ເຘ ອຘິວຕ຺ຖານໍ ເທວານໍ… ຄນ຺ຘຄນ຺ເຘ ອຘິວຕ຺ຖານໍ ເທວານໍ ສຫພ຺ຍຕໍ ອຸປປຊ຺ຊຕີ’’ຕິ? ‘‘ອິຘ, ຠິກ຺ຂຸ, ເອກຈ຺ໂຈ ກາເຍນ ສຸຈຣິຕໍ ຈຣຕິ, ວາຈາຍ ສຸຈຣິຕໍ ຈຣຕິ, ມນສາ ສຸຈຣິຕໍ ຈຣຕິ. ຕສ຺ສ ສຸຕໍ ໂຫຕິ – ‘ສາຣຄນ຺ເຘ ອຘິວຕ຺ຖາ ເທວາ ທີຆາຍຸກາ ວຓ຺ຓວນ຺ໂຕ ສຸຂພຫຸລາ’ຕິ. ຕສ຺ສ ເອວໍ ໂຫຕິ – ‘ອໂຫ ວຕາຫໍ ກາຍສ຺ສ ເຠທາ ປຣໍ ມຣຓາ ສາຣຄນ຺ເຘ ອຘິວຕ຺ຖານໍ ເທວານໍ…ເປ… ເຜຄ຺ຄຸຄນ຺ເຘ ອຘິວຕ຺ຖານໍ ເທວານໍ… ຕຈຄນ຺ເຘ ອຘິວຕ຺ຖານໍ ເທວານໍ… ປປຏິກຄນ຺ເຘ ອຘິວຕ຺ຖານໍ ເທວານໍ… ປຕ຺ຕຄນ຺ເຘ ອຘິວຕ຺ຖານໍ ເທວານໍ… ປຸປ຺ຜຄນ຺ເຘ ອຘິວຕ຺ຖານໍ ເທວານໍ… ຜລຄນ຺ເຘ ອຘິວຕ຺ຖານໍ ເທວານໍ… ຣສຄນ຺ເຘ ອຘິວຕ຺ຖານໍ ເທວານໍ… ຄນ຺ຘຄນ຺ເຘ ອຘິວຕ຺ຖານໍ ເທວານໍ ສຫພ຺ຍຕໍ ອຸປປຊ຺ເຊຍ຺ຍ’ນ຺ຕິ. ໂສ ທາຕາ ໂຫຕິ ສາຣຄນ຺ຘານໍ…ເປ… ໂສ ທາຕາ ໂຫຕິ ເຜຄ຺ຄຸຄນ຺ຘານໍ… ໂສ ທາຕາ ໂຫຕິ ຕຈຄນ຺ຘານໍ… ໂສ ທາຕາ ໂຫຕິ ປປຏິກຄນ຺ຘານໍ… ໂສ ທາຕາ ໂຫຕິ ປຕ຺ຕຄນ຺ຘານໍ… ໂສ ທາຕາ ໂຫຕິ ປຸປ຺ຜຄນ຺ຘານໍ… ໂສ ທາຕາ ໂຫຕິ ຜລຄນ຺ຘານໍ… ໂສ ທາຕາ ໂຫຕິ ຣສຄນ຺ຘານໍ… ໂສ ທາຕາ ໂຫຕິ ຄນ຺ຘຄນ຺ຘານໍ. ໂສ ກາຍສ຺ສ ເຠທາ ປຣໍ ມຣຓາ ຄນ຺ຘຄນ຺ເຘ ອຘິວຕ຺ຖານໍ ເທວານໍ ສຫພ຺ຍຕໍ ອຸປປຊ຺ຊຕິ. ອຍໍ ໂຂ, ຠິກ຺ຂຸ, ເຫຕຸ, ອຍໍ ປຈ຺ຈໂຍ, ເຍນ ມິເຘກຈ຺ໂຈ ກາຍສ຺ສ ເຠທາ ປຣໍ ມຣຓາ ຄນ຺ຘຄນ຺ເຘ ອຘິວຕ຺ຖານໍ ເທວານໍ ສຫພ຺ຍຕໍ ອຸປປຊ຺ຊຕີ’’ຕິ. ທ຺ວາທສມໍ.