໘. ໂລກຸຕ຺ຕຣກຖາ

໔໓. ກຕເມ ຘມ຺ມາ ໂລກຸຕ຺ຕຣາ? ຈຕ຺ຕາໂຣ ສຕິປຏ຺ຐານາ, ຈຕ຺ຕາໂຣ ສມ຺ມປ຺ປຘານາ, ຈຕ຺ຕາໂຣ ອິທ຺ຘິປາທາ, ປຎ຺ຈິນ຺ທ຺ຣິຍານິ, ປຎ຺ຈ ພລານິ, ສຕ຺ຕ ໂພຊ຺ຌງ຺ຄາ, ອຣິໂຍ ອຏ຺ຐງ຺ຄິໂກ ມຄ຺ໂຄ, ຈຕ຺ຕາໂຣ ອຣິຍມຄ຺ຄາ, ຈຕ຺ຕາຣິ ຈ ສາມຎ຺ຎຜລານິ, ນິພ຺ພານຎ຺ຈ – ອິເມ ຘມ຺ມາ ໂລກຸຕ຺ຕຣາ.

ໂລກຸຕ຺ຕຣາຕິ ເກນຏ຺ເຐນ ໂລກຸຕ຺ຕຣາ? ໂລກໍ ຕຣນ຺ຕີຕິ – ໂລກຸຕ຺ຕຣາ. ໂລກາ ອຸຕ຺ຕຣນ຺ຕີຕິ – ໂລກຸຕ຺ຕຣາ. ໂລກໂຕ ອຸຕ຺ຕຣນ຺ຕີຕິ – ໂລກຸຕ຺ຕຣາ. ໂລກມ຺ຫາ ອຸຕ຺ຕຣນ຺ຕີຕິ – ໂລກຸຕ຺ຕຣາ. ໂລກໍ ອຕິກ຺ກມນ຺ຕີຕິ – ໂລກຸຕ຺ຕຣາ. ໂລກໍ ສມຕິກ຺ກມນ຺ຕີຕິ – ໂລກຸຕ຺ຕຣາ. ໂລກໍ ສມຕິກ຺ກນ຺ຕາຕິ – ໂລກຸຕ຺ຕຣາ. ໂລເກນ ອຕິເຣກາຕິ – ໂລກຸຕ຺ຕຣາ. ໂລກນ຺ຕໍ ຕຣນ຺ຕີຕິ – ໂລກຸຕ຺ຕຣາ. ໂລກາ ນິສ຺ສຣນ຺ຕີຕິ – ໂລກຸຕ຺ຕຣາ. ໂລກໂຕ ນິສ຺ສຣນ຺ຕີຕິ – ໂລກຸຕ຺ຕຣາ. ໂລກມ຺ຫາ ນິສ຺ສຣນ຺ຕີຕິ – ໂລກຸຕ຺ຕຣາ. ໂລກາ ນິສ຺ສຏາຕິ – ໂລກຸຕ຺ຕຣາ. ໂລເກນ ນິສ຺ສຏາຕິ – ໂລກຸຕ຺ຕຣາ. ໂລກມ຺ຫາ ນິສ຺ສຏາຕິ – ໂລກຸຕ຺ຕຣາ. ໂລເກ ນ ຕິຏ຺ຐນ຺ຕີຕິ – ໂລກຸຕ຺ຕຣາ. ໂລກສ຺ມິໍ ນ ຕິຏ຺ຐນ຺ຕີຕິ – ໂລກຸຕ຺ຕຣາ. ໂລເກ ນ ລິມ຺ປນ຺ຕີຕິ – ໂລກຸຕ຺ຕຣາ. ໂລເກນ ນ ລິມ຺ປນ຺ຕີຕິ – ໂລກຸຕ຺ຕຣາ. ໂລເກ ອສໍລິຕ຺ຕາຕິ – ໂລກຸຕ຺ຕຣາ. ໂລເກນ ອສໍລິຕ຺ຕາຕິ – ໂລກຸຕ຺ຕຣາ. ໂລເກ ອນຸປລິຕ຺ຕາຕິ – ໂລກຸຕ຺ຕຣາ. ໂລເກນ ອນຸປລິຕ຺ຕາຕິ – ໂລກຸຕ຺ຕຣາ. ໂລເກ ວິປ຺ປມຸຕ຺ຕາຕິ – ໂລກຸຕ຺ຕຣາ. ໂລເກນ ວິປ຺ປມຸຕ຺ຕາຕິ – ໂລກຸຕ຺ຕຣາ. ໂລກາ ວິປ຺ປມຸຕ຺ຕາຕິ – ໂລກຸຕ຺ຕຣາ. ໂລກໂຕ ວິປ຺ປມຸຕ຺ຕາຕິ – ໂລກຸຕ຺ຕຣາ. ໂລກມ຺ຫາ ວິປ຺ປມຸຕ຺ຕາຕິ – ໂລກຸຕ຺ຕຣາ. ໂລເກ ວິສຎ຺ຎຸຕ຺ຕາຕິ – ໂລກຸຕ຺ຕຣາ. ໂລເກນ ວິສຎ຺ຎຸຕ຺ຕາຕິ – ໂລກຸຕ຺ຕຣາ. ໂລກາ ວິສຎ຺ຎຸຕ຺ຕາຕິ – ໂລກຸຕ຺ຕຣາ. ໂລກສ຺ມິໍ ວິສຎ຺ຎຸຕ຺ຕາຕິ – ໂລກຸຕ຺ຕຣາ. ໂລກໂຕ ວິສຎ຺ຎຸຕ຺ຕາຕິ – ໂລກຸຕ຺ຕຣາ. ໂລກມ຺ຫາ ວິສຎ຺ຎຸຕ຺ຕາຕິ – ໂລກຸຕ຺ຕຣາ. ໂລກາ ສຸຊ຺ຌນ຺ຕີຕິ – ໂລກຸຕ຺ຕຣາ. ໂລກໂຕ ສຸຊ຺ຌນ຺ຕີຕິ – ໂລກຸຕ຺ຕຣາ. ໂລກມ຺ຫາ ສຸຊ຺ຌນ຺ຕີຕິ – ໂລກຸຕ຺ຕຣາ. ໂລກາ ວິສຸຊ຺ຌນ຺ຕີຕິ – ໂລກຸຕ຺ຕຣາ. ໂລກໂຕ ວິສຸຊ຺ຌນ຺ຕີຕິ – ໂລກຸຕ຺ຕຣາ. ໂລກມ຺ຫາ ວິສຸຊ຺ຌນ຺ຕີຕິ – ໂລກຸຕ຺ຕຣາ. ໂລກາ ວຸຏ຺ຐຫນ຺ຕີຕິ [ອຸທ຺ຘຣນ຺ຕີຕິ (ກ.), ອຸຏ຺ຐຫນ຺ຕີຕິ (ສີ. ອຏ຺ຐ.)] – ໂລກຸຕ຺ຕຣາ. ໂລກໂຕ ວຸຏ຺ຐຫນ຺ຕີຕິ – ໂລກຸຕ຺ຕຣາ. ໂລກມ຺ຫາ ວຸຏ຺ຐຫນ຺ຕີຕິ – ໂລກຸຕ຺ຕຣາ. ໂລກາ ວິວຏ຺ຏນ຺ຕີຕິ – ໂລກຸຕ຺ຕຣາ. ໂລກໂຕ ວິວຏ຺ຏນ຺ຕີຕິ – ໂລກຸຕ຺ຕຣາ. ໂລກມ຺ຫາ ວິວຏ຺ຏນ຺ຕີຕິ – ໂລກຸຕ຺ຕຣາ. ໂລເກ ນ ສຊ຺ຊນ຺ຕີຕິ – ໂລກຸຕ຺ຕຣາ. ໂລເກ ນ ຄຍ຺ຫນ຺ຕີຕິ – ໂລກຸຕ຺ຕຣາ. ໂລເກ ນ ພຊ຺ຌນ຺ຕີຕິ – ໂລກຸຕ຺ຕຣາ. ໂລກໍ ສມຸຈ຺ຉິນ຺ທນ຺ຕີຕິ – ໂລກຸຕ຺ຕຣາ. ໂລກໍ ສມຸຈ຺ຉິນ຺ນຕ຺ຕາຕິ – ໂລກຸຕ຺ຕຣາ. ໂລກໍ ປຏິປ຺ປສ຺ສມ຺ເຠນ຺ຕີຕິ – ໂລກຸຕ຺ຕຣາ. ໂລກໍ ປຏິປ຺ປສ຺ສມ຺ຠິຕຕ຺ຕາຕິ – ໂລກຸຕ຺ຕຣາ. ໂລກສ຺ສ ອປຖາຕິ – ໂລກຸຕ຺ຕຣາ. ໂລກສ຺ສ ອຄຕີຕິ – ໂລກຸຕ຺ຕຣາ. ໂລກສ຺ສ ອວິສຍາຕິ – ໂລກຸຕ຺ຕຣາ. ໂລກສ຺ສ ອສາຘາຣຓາຕິ – ໂລກຸຕ຺ຕຣາ. ໂລກໍ ວມນ຺ຕີຕິ – ໂລກຸຕ຺ຕຣາ. ໂລກໍ ນ ປຈ຺ຈາວມນ຺ຕີຕິ – ໂລກຸຕ຺ຕຣາ. ໂລກໍ ປຊຫນ຺ຕີຕິ – ໂລກຸຕ຺ຕຣາ. ໂລກໍ ນ ອຸປາທິຍນ຺ຕີຕິ – ໂລກຸຕ຺ຕຣາ. ໂລກໍ ວິສິເນນ຺ຕີຕິ – ໂລກຸຕ຺ຕຣາ. ໂລກໍ ນ ອຸສ຺ສິເນນ຺ຕີຕິ – ໂລກຸຕ຺ຕຣາ. ໂລກໍ ວິຘູເປນ຺ຕີຕິ – ໂລກຸຕ຺ຕຣາ. ໂລກໍ ນ ສໍຘູເປນ຺ຕີຕິ – ໂລກຸຕ຺ຕຣາ. ໂລກໍ ສມຕິກ຺ກມ຺ມ ອຠິຠຸຍ຺ຍ ຕິຏ຺ຐນ຺ຕີຕິ – ໂລກຸຕ຺ຕຣາ.

ໂລກຸຕ຺ຕຣກຖາ ນິຏ຺ຐິຕາ.